బిగ్ బాస్ నటిపై లైంగిక దాడి..చెంప దెబ్బతో హీరోయిన్ ధీటుగా సమాధానం...

ఇండస్ట్రీలో కాస్టింగ్ కౌచ్ గురించి ప్రత్యేకంగా పరిచయాలు అవసరం లేదు. ఇక్కడ ఆఫర్ రావాలంటే అమ్మాయిలు తమను తాము అమ్ముకోవాల్సిందే అంటూ చాలా మంది నటీమణులు స్క్రీన్ ముందుకు వచ్చి చెబుతున్నారు. అయితే కొందరు మాత్రం అలాంటిదేం లేదని చెబుతున్నా కూడా కచ్చితంగా ఇక్కడ మాత్రం అలాంటిదే నడుస్తుందని అర్థమైపోతుంది. సీరియల్స్ విషయంలో కూడా పడుకోకపోతే పనులు జరగవని మరోసారి బయటికి వచ్చింది. ఇప్పటికే చాలా మంది దీని గురించి తమ అనుభవాలు చెబుతున్నారు. శ్రీ రెడ్డి మొదలుపెట్టిన ఈ ఉద్యమంలో చాలా మంది పాల్గొన్నారు. అయితే కొందరు మాత్రం కేవలం ఫేమస్ అవ్వడానికే ఈ క్యాస్టింగ్ కౌచ్ అనే పదాన్ని వాడుకుంటున్నారంటూ అనసూయ లాంటి వాళ్లు సీరియస్ కూడా అయ్యారు.ఇక హిందీలో తను శ్రీ దత్తా లాంటి వాళ్లు బయటికి వచ్చి నానా పటేకర్ లాంటి సంచలన పేర్లు కూడా బయటపెట్టారు. తమిళనాట చిన్మయి ఇప్పటికీ దీనిపై యుద్ధం చేస్తూనే ఉంది. ఇదిలా ఉంటే తాజాగా మరో నటి కూడా తనపై జరిగిన లైంగిక దాడికి సంబంధించిన నిజాలను బయటపెట్టింది. బుల్లితెరపై కెరీర్ ప్రారంభించి ఇప్పుడు మంచి స్థాయిలో ఉన్న నటి రష్మీ దేశాయ్‌ గురించి తెలుగు ప్రేక్షకులకు పెద్దగా తెలియదు. కానీ ఈమె గురించి హిందీ ఆడియన్స్‌ను అడిగితే బాగా చెబుతారు. మంచి నటి కూడా.. అయితే ఇప్పుడు ఈమె తన జీవితంలోని చేదు సంఘటనల గురించి మీడియాకు చెప్పింది. కెరీర్ ప్రారంభంలో ఆ సమయంలో తనను సూరజ్‌ అనే వ్యక్తి లైంగిక వేధింపులకు గురి చేసినట్లు ఈమె తెలిపింది.

అప్పట్లో ఈ విషయం తన తల్లికి చెప్పడంతో అతన్ని అందరి ముందు చెంప పగిలేలా కొట్టిందని చెప్పుకొచ్చింది. 13 ఏళ్ల కింద తన కెరీర్ ప్రారంభించానని.. ఆ సమయంలో ఇండస్ట్రీలో రాణించాలంటే కచ్చితంగా పడుకోవాల్సిందే అంటూ కొందరు బలవంతం చేసారని.. అందులో సూరజ్ ముందున్నాడని చెప్పింది రష్మి దేశాయ్. అప్పట్లో ఆడిషన్స్ ఉన్నాయని తనకు ఫోన్ చేసి ఓ చోటికి రమ్మన్నారని.. తీరా అక్కడికి వెళ్తే మత్తుమందు కలిపిన డ్రింక్ ఇచ్చి తన జీవితాన్ని నాశనం చేయాలని ప్రయత్నించాడని సూరజ్‌పై సంచలన వ్యాఖ్యలు చేసింది రష్మీ. అక్కడ్నుంచి ఎలాగోలా బయటపడి తన తల్లికి విషయం చెప్పడంతో సూరజ్‌ దగ్గరికి వెళ్లానని.. అప్పుడు కూడా సీరియస్ వార్నింగ్ ఇచ్చినట్లు చెప్పుకొచ్చింది ఈమె. అమ్మాయిలు భయపడకుండా అలాంటి సమయంలో ధైర్యంగా ఉండాలని చెప్పింది రష్మీ దేశాయ్.