బాడీగార్డ్ బర్త్ డే వేడుకల్లో పాల్గొన్నా బన్నీ..
cinema | Suryaa Desk | Published : Sat, Mar 14, 2020, 06:07 PM
అల వైకుంఠపురములో సినిమా తర్వాత అల్లు అర్జున్ దూకుడు పెంచేసాడు. ఈయన ప్రస్తుతం సుకుమార్ సినిమాతో బిజీగా ఉన్నాడు. ఇది ఈయనకు 20వ సినిమా. ఇండస్ట్రీ హిట్ తర్వాత వస్తున్న సినిమా కావడంతో సుకుమార్ సినిమాపై అంచనాలు భారీగానే ఉన్నాయి. ఈ చిత్రంలో బన్నీ లారీ డ్రైవర్ పాత్రలో నటించబోతున్నాడని తెలుస్తుంది. ఇదిలా ఉంటే అంత పెద్ద స్టార్ హీరో అయినా కూడా బన్నీ చేస్తున్న కొన్ని పనులు మాత్రం అభిమానులకు బాగా నచ్చేస్తున్నాయి. ముఖ్యంగా ఆయన తన పర్సనల్ స్టాఫ్ను చూసుకునే తీరు కూడా అద్భుతంగా ఉంటుంది. పిఆర్ టీం కానీ.. వ్యక్తిగతంగా ఉండే స్టాప్ను కానీ బన్నీ చాలా బాగా చూసుకుంటాడని ఇండస్ట్రీలో టాక్ ఉంది. ఇప్పుడు అదే మరోసారి నిరూపించాడు అల్లు వారబ్బాయి.తన దగ్గర పని చేసే పర్సనల్ బాడీగార్డ్ బర్త్ డే వేడుకలు ఘనంగా జరిపాడు బన్నీ. ఈ ఫోటోలు ప్రస్తుతం సోషల్ మీడియాలో వైరల్ అవుతున్నాయి. ఈయన పుట్టిన రోజు వేడుకల్లో బన్నీ పాల్గొన్నాడు.. దాంతో సుకుమార్ సినిమా లుక్ బయటికి వచ్చేసింది. ఈ సినిమా కోసం తనను తాను చాలా మార్చుకున్నాడు బన్నీ. ముఖ్యంగా గడ్డం పెంచేసి కొత్త లుక్లో కనిపిస్తున్నాడు. ఈ పుట్టిన రోజు వేడుకలలో పాల్గొనగా ఆయన లుక్ బయటికి వచ్చింది. పెరిగిన జుట్టు.. గుబురు గెడ్డంతో వైవిధ్యంగా కనిపిస్తున్నాడు బన్నీ. సుకుమార్ రంగస్థలంలో రామ్ చరణ్ మాదిరి ఈ సినిమాలో కనిపిస్తున్నాడు అల్లు అర్జున్. ఇందులో రష్మిక మందన్న హీరోయిన్. మైత్రి మూవీ మేకర్స్ ఈ సినిమాను నిర్మిస్తున్నారు. కరోనా వైరస్ కారణంగా ఈ చిత్ర షూటింగ్ కొన్ని రోజులు ఆపేసారు.
|
|