యాంకర్ ప్రదీప్ కు గాళ్ ఫ్రెండ్ ఉందంట ...!

తెలుగు బుల్లితెరపై ఉన్న యాంకర్స్‌లో ప్రదీప్ స్టార్. చాలా మంది మేల్ యాంకర్స్ ఉన్నా కూడా తనకంటూ ప్రత్యేకమైన గుర్తింపు సంపాదించుకున్నాడు ఈ కుర్ర యాంకర్. ప్రదీప్ హోస్టుగా చేస్తున్నాడంటే నవ్వులకు ఢోకా ఉండదు. ఇక తెలుగు బుల్లితెరపై మోస్ట్ ఎలిజిబుల్ బ్యాచ్‌లర్ కూడా ప్రదీపే. ప్రతీ షోలో కూడా ఈయన పెళ్లి గురించి కామెంట్స్ వినిపిస్తుంటాయి. స్టార్ మా ఛానెల్ అయితే ఏకంగా ప్రదీప్ కోసం స్వయంవరమే ఏర్పాటు చేసింది. ఈయన కోసం ప్రత్యేకంగా పెళ్లిచూపులు ప్రోగ్రామ్ ఏర్పాటు చేసింది. అది ఫ్లాప్ అయింది.. అది వేరే విషయం అనుకోండి.. కానీ ఆయన కోసం ఈ ప్రోగ్రామ్ డిజైన్ చేసారు.ఇక ఇప్పుడు మరోసారి ప్రదీప్ పెళ్లి టాపిక్ వచ్చింది. తాజాగా ఈయన 30 రోజుల్లో ప్రేమించటం ఎలా సినిమా ప్రమోషన్స్‌తో బిజీగా ఉన్నాడు. ఈ చిత్రంతో పాటు షోలు కూడా రెగ్యులర్‌గా చేసుకుంటున్నాడు. తాజాగా ఈయన అలీతో సరదాగా షోకు వచ్చాడు. అక్కడ చాలా విషయాలపై క్లారిటీ ఇచ్చాడు ప్రదీప్. ముఖ్యంగా ప్రేమ గురించి కూడా చెప్పాడు. నీకు గాళ్ ఫ్రెండ్ ఉందంట కదా అని ఆలీ అడిగితే సోనాలి బింద్రే అంటూ సమాధానమిచ్చాడు ప్రదీప్. దానికి నవ్విన ఆలీ.. రియల్ నేమ్ చెప్పు అంటూ ఎందుకు సర్ ఇప్పుడు పెళ్లై ఇద్దరు పిల్లలకు తల్లి కూడా అయ్యుంటుంది. ఈ షో చూస్తుంటుందని క్లారిటీ ఇచ్చాడు. అంటే ఈయనకు గతంలో లవర్ ఉందని ఒప్పుకున్నాడని నెటిజన్లు కామెంట్స్ చేస్తున్నారు.వెంటనే తన పెళ్లిపై అదిరిపోయే సెటైర్ వేసుకున్నాడు ఈ కుర్ర యాంకర్. పెళ్లెప్పుడు చేసుకుంటావంటే ఇప్పుడెందుకులే అంటూనే.. అమ్మో.. దానికి మనకు అస్సలు పడదుగా.. పెళ్లికి మనం చాలా దూరం అంటూ పంచ్ వేసాడు. దాంతో అక్కడున్న వాళ్లకు నవ్వు ఆగలేదు. మొత్తానికి ప్రతీసారి కూడా తన పెళ్లిపై వచ్చే కమెంట్స్‌ను విని విని చివరికి తనే జోకులు వేసుకోవడం మొదలుపెట్టాడు ప్రదీప్. యూ ట్యూబ్‌లో కూడా కొత్తగా రాస్తుంటారు.. చూసి నవ్వుకుంటానని చెప్పాడు ప్రదీప్. మొత్తానికి ఈ యాంకర్ పెళ్లి కోసం అభిమానులు కూడా బాగానే వేచి చూస్తున్నారు.