ఉత్తర కొరియా కవచం: కిమ్ జోంగ్ ఉన్ అమెరికాకు కఠిన హెచ్చరిక

పశ్చిమాసియాలో కొనసాగుతున్న యుద్ధ పరిస్థితులు ప్రపంచ రాజకీయాల్లో కొత్త ఉద్రిక్తతలకు దారితీస్తున్నాయి. ఈ నేపథ్యంలో ఉత్తర కొరియా తన వైఖరిని స్పష్టంగా ప్రకటించింది. అమెరికా, దక్షిణ కొరియా కలిసి నిర్వహిస్తున్న సైనిక విన్యాసాలను ఉత్తర కొరియా తీవ్రంగా ఆందోళనతో గమనిస్తోంది. అధ్యక్షుడు కిమ్ జోంగ్ ఉన్ ఈ విన్యాసాలు తమపై దాడికి సిద్ధమవ్వడానికి కాదని, అయినప్పటికీ అమెరికా ఇలాగే దూకుడుగా కొనసాగిస్తే తీవ్ర పరిణామాలు ఎదురవుతాయని హెచ్చరించారు.ఇరాన్‌లో సుప్రీం లీడర్ అయతుల్లా అలీ ఖమేనీ మరణం తర్వాత మొజ్తబా ఖమేనీ సుప్రీం లీడర్‌గా బాధ్యతలు చేపట్టారు. ఉత్తర కొరియా ఈ నిర్ణయానికి మద్దతు తెలిపింది. అమెరికా, ఇజ్రాయెల్ చర్యలను కఠినంగా విమర్శిస్తూ, ఇరాన్ ప్రజల నిర్ణయాన్ని గౌరవిస్తున్నట్టు ప్రకటించింది.తాజాగా ఉత్తర కొరియా తన సైనిక సామర్థ్యాన్ని ప్రదర్శించింది. ‘చో హ్యోన్’ యుద్ధ నౌక నుంచి క్రూయిజ్ మిస్సైల్ విజయవంతంగా ప్రయోగించబడింది. ఈ ప్రయోగాన్ని కిమ్ జోంగ్ ఉన్ తన కుమార్తె జు ఏతో కలిసి ప్రత్యక్షంగా వీక్షించారు. ఈ క్రూయిజ్ మిస్సైల్ సముద్రం నుంచి ఉపరితల లక్ష్యాలను ధ్వంసం చేయగల సామర్థ్యాన్ని కలిగి ఉంది. మూడు గంటల పాటు నిరంతర లక్ష్యాలపై దాడి చేయగల సామర్థ్యం కూడా ఉంది.ప్రపంచంలోనే అత్యంత శక్తివంతమైన సైన్యాలలో ఉత్తర కొరియా ఒకటి. ఈ దేశానికి 50–100 వరకు అణ్వాయుధాలు ఉన్నాయి. అదనంగా, అమెరికాను నేరుగా లక్ష్యంగా చేసుకునే Hwasong-18 ఇంటర్ కాంటినెంటల్ బాలిస్టిక్ మిస్సైల్ కూడా దొరుకుతుంది. అలాగే, రాడార్‌లకు కనిపించని హైపర్‌సోనిక్ మిస్సైల్ సాంకేతికత కూడా ఉత్తర కొరియాకు ఉంది. రష్యా, చైనా వంటి దేశాల మద్దతు కూడా ఉత్తర కొరియాకు ఉన్నట్టు అంతర్జాతీయ విశ్లేషకులు పేర్కొంటున్నారు.