ఆయనతో నా పెళ్లేంటి మీడియాపై అనుష్క ఫైర్

మీడియాలో అనుష్క పెళ్లిని మించిన ఎంటర్‌టైనింగ్ టాపిక్ మరోటి ఉండదు. తెలుగు ఇండ‌స్ట్రీలో ఎప్పుడూ బోర్ కొట్ట‌ని టాపిక్ ఇది. ఈమె మ్యారేజ్ గురించి చాలా రోజులుగా వార్త‌లు వినిపిస్తూనే ఉన్నాయి. కానీ స‌రైన సమాధానం మాత్రం రావ‌డం లేదు. ఈ భామ పెళ్లి గురించి ఎప్ప‌టిక‌ప్పుడు వార్త‌లు వ‌స్తున్నా కూడా ఇప్ప‌టి వ‌ర‌కు క‌న్ఫ్యూజ‌న్ త‌ప్ప క్లారిటీ రాలేదు. మొన్నటి నవంబర్ 7తో 38 వసంతాలు పూర్తి చేసుకుని.. 40కి చేరవవుతుంది అనుష్క. రోజు రోజుకి రూమ‌ర్లు ఎక్కువైపోతుంటే అనుష్క పెళ్లిపై రోజుకో వార్త బ‌య‌టికి వ‌స్తుంటే అభిమానుల్లో కూడా కంగారు పెరిగిపోతుంది. ఇంత‌కీ ఈ భామ ఇప్ప‌ట్లో పెళ్లి చేసుకుంటుందా లేదా అనే అనుమానాలు కూడా వ‌స్తున్నాయి.పైగా ప్ర‌భాస్‌తో కొన్నాళ్లుగా అనుష్క డేటింగ్ చేస్తుంద‌నే వార్త‌లు కూడా ఉన్నాయి. దీనిపై అటు ప్ర‌భాస్.. ఇటు అనుష్క నో అనే స‌మాధానాలే చెప్పారు. అయినా కూడా వీళ్ల మ‌ధ్య రూమ‌ర్స్ ఆగ‌డం లేదు. ఇక ఇప్పుడు వీట‌న్నింటికీ స‌మాధానాలు వ‌స్తున్నాయి. కాక‌పోతే కాస్త మెల్ల‌గా వ‌స్తున్నాయంతే.. ఇప్పుడు ఇండ‌స్ట్రీలో జ‌రుగుతున్న ప్ర‌చారాన్ని బ‌ట్టి చూస్తుంటే అనుష్క పెళ్లి ఇప్ప‌ట్లో లేన‌ట్లే అని తెలుస్తుంది. ప్ర‌స్తుతం జేజ‌మ్మ మ‌న‌సు అంతా సినిమాల‌పైనే ఉంది. ప్రస్తుతం కోన వెంక‌ట్ నిర్మాణంలో ‘నిశ్శబ్ధం’ సినిమా చేస్తుంది ఈ భామ‌. ఇందులో రంగ‌స్థ‌లంలో రామ్ చ‌రణ్ చేసిన‌ట్లు ఛాలెంజింగ్ పాత్ర ఇది. ఈ చిత్ర షూటింగ్ చివరిదశకు వచ్చేసింది. ఎప్రిల్ 2న ఈ చిత్రం విడుదల కానుంది.

ఇది పూర్త‌య్యే వ‌ర‌కు పెళ్లి ఊసే ఎత్తేలా క‌నిపించ‌డం లేదు జేజ‌మ్మ‌. ఇదిలా ఉంటే త‌న పెళ్లి ఇప్ప‌ట్లో ఉండ‌ద‌ని మ‌రోసారి క్లారిటీ ఇచ్చింది అనుష్క‌. రాఘవేంద్రరావు కొడుకు ప్రకాశ్ రావుతో అనుష్క పెళ్లి అంటూ వచ్చిన వార్తలపై కూడా ఈమె స్పందించింది. మొన్నీమధ్యే అనుష్క 15 ఇయర్స్ సెలబ్రేషన్స్ అప్పుడు తన పెళ్లి గురించి మాట్లాడింది ఈ ముద్దుగుమ్మ. ఆయనతోనే మీ పెళ్లంట కదా అని అడిగితే.. అలాంటిదేం లేదు.. అతడితో నాకు పెళ్లేంటి అని సమాధానమిచ్చింది. పెళ్లి చేసుకుంటే చెప్పే చేసుకుంటానంటూ క్లారిటీ ఇచ్చింది. దీనిపై అనుష్క చాలా సీరియస్‌గా స్పందించిందని తెలుస్తుంది. కనీసం చెప్పేవరకు కూడా ఆగలేరా అంటూ మీడియాపై కూడా ఆమె సీరియస్ అయినట్లు వార్తలు వినిపిస్తున్నాయి. ప్రస్తుతానికి ఈమె ఫోకస్ అంతా సినిమాలపైనే ఉంది.