రామ్ గోపాల్ వర్మ కొత్త బాడీగార్డ్...
cinema | Suryaa Desk | Published : Tue, Mar 17, 2020, 01:14 PM
ఎలాగోలా వార్తల్లో నిలవడం, సోషల్ మీడియా యాక్టివ్గా ఉంటూ ఎప్పుడూ ఒక సెన్సేషన్ క్రియేట్ చేయడం రామ్ గోపాల్ వర్మ నైజం. ఈ పేరే సంచలనం. ఎపుడు ఎవరినీ ఏ రకంగా ఎలా గిల్లాలో ఆయనకు తెలిసినంత ఎవరికీ తెలియదు. ఎపుడు ఏదో ఒక ఇష్యూ మీద మాట్లాడటం దాన్ని వివాదాస్పదం చేయడం వర్మ నుంచే చూసి నేర్చుకోవాలి. అంతేకాదు తనకు గిట్టని వాళ్లపై ఏదో కామెంట్స్ చేస్తూ వార్తల్లో నిలవడం వర్మకు ముందు నుంచి అలవాటు. తాజాగా రామ్ గోపాల్ వర్మ..తనకు కొంతమంది అభిమానుల నుంచి రక్షణ కోసం కొత్తగా రెండు కుక్కలను తెచ్చుకున్నానంటూ రామ్ గోపాల్ వర్మ తన సోషల్ మీడియా అకౌంట్లో పోస్ట్ చేసాడు. అంతేకాదు కుక్కలతో దిగిన ఫోటోలను ట్విట్టర్లో పోస్ట్ చేసాడు. ఆర్జీవి ఎవరినీ ఉద్దేశించి ఈ ట్వీట్ చేసాడో అని ప్రేక్షకులు చర్చించుకుంటున్నారు. ప్రస్తుతం రామ్ గోపాల్ వర్మ.. దిశా అత్యాచార ఘటనపై ఒక సినిమా చేస్తున్నాడు. ఈ సినిమా విషయమై కొంత రీసెర్చి కూడా చేసాడు. ఇక వర్మ విషయానికొస్తే.. ఇండస్ట్రీలో ఎవరిపైనా బయోపిక్ లాంటివి తీయాలంటే ఆయన్ని మించిన తోపు దర్శకుడు ఎవరు ఉండరని ఆయన అభిమానులు చెబుతుంటారు.
|
|