నేను నటిగా ఎదిగానని నమ్ముతున్నాను : హుమా ఖురేషి
cinema | Suryaa Desk | Published : Wed, Mar 18, 2020, 01:26 PM
తాను నటిగా ఎదిగానంటోంది బాలీవుడ్ బొద్దు భామ హ్యూమా ఖురేషి. వయసులో ఎప్పుడో ఎదిగిన ఈ నాయిక వృత్తిపరంగా ఈ మధ్యే అనుభవం తెచ్చుకున్నానంటోంది. ‘గ్యాంగ్స్ ఆఫ్ వాసేన్పూర్’ చిత్రంతో పేరు తెచ్చుకున్న హ్యూమా ‘బద్లాపూర్’తో ఘన విజయాన్ని దక్కించుకుంది. హాట్ సుందరిగా పేరు తెచ్చుకుంది. హద్దులు దాటే అందాలు చూపించగల పాత్రల్లోనే కాదు నటిగానూ మెప్పించగలదని నిరూపించుకుంది. సినిమాలతో పాటు వ్యాపార ప్రకటనలు చేస్తున్న హ్యూమా ఇటీవల ఓ సందర్భంలో మాట్లాడుతూ…”నేను నటిగా ఎదిగానని నమ్ముతున్నాను. సాధన, అనుభవంతోనే ఇది సాధ్యమవుతుంది. జయాపజయాలకు భయపడను. సినిమా కష్టపడి చేయడమే నా చేతిలో ఉంటుంది. ఇక దాని ఫలితాన్ని నేను నిర్ణయించలేను. వ్యక్తిగతంగా నా కొత్త చిత్ర విడుదల సమయంలో నింపాదిగా ఉంటాను. అది ఎలాంటి ఫలితం ఇచ్చినా చలించను. ఇటీవల వేటికవి విభిన్నమైన పాత్రల్లో నటిస్తున్నాను. నటిగా నేను మెరుగుపడేందుకు ఇది ఉపయోగపడుతోంది. కావాలని తీసుకున్న నిర్ణయం కాదిది. గొప్ప చిత్రాల్లో భాగమవాలనుకుంటాను. ఒక దర్శకుడు, మంచి కథే దేనికైనా మూలం.” అని చెప్పింది.
|
|