వెంకీ 'రాజా'కు 21 ఏళ్ళు
cinema | Suryaa Desk | Published : Wed, Mar 18, 2020, 07:40 PM
హావభావాలను అలవోకగా పలికించగల నటుడు విక్టరీ వెంకటేష్. ఆయన ఒక్కో సినిమా ఒక్కో మైలురాయి. ఒక్కోసారి ఆయన చేసే ఎమోషనల్ పాత్రలు.. మరే హీరో కూడా చేయలేడేమో అనిపిస్తుంది. వెంకీ కుటుంబ ప్రేక్షకులకు దగ్గరవడానికి ఎన్నో సినిమాలు దోహదపడ్డాయి. అలాంటి సినిమాలలో ఒకటిగా 'రాజా' సినిమా నిలుస్తుందనడంలో సందేహం లేదు.'రాజా' సినిమా వెంకీని హీరోగా మరో మెట్టు ఎదిగేలా చేసింది. 1999 లో ముప్పలనేని శివ దర్శకత్వంలో సూపర్ గుడ్ ఫిల్మ్స్ పతాకంపై ఆర్.బి.చౌదరి నిర్మించిన విజయవంతమైన సినిమా 'రాజా'. ఇందులో వెంకటేష్, సౌందర్య జంటగా నటించారు. ఈ సినిమా సూపర్ హిట్ సాధించడానికి ఒకరకంగా వెంకటేష్ పలికించిన ఎమోషన్ కారణమైతే.. మరో కారణం ఎస్. ఎ. రాజ్ కుమార్ అందించిన సంగీతం.'ఏదో ఒక రాగం పిలిచిందీ వేళ'..'మల్లెల వానా మల్లెల వానా'.. 'పల్లవించు తొలి రాగమే సూర్యోదయం' లాంటి పాటలు నేటికీ ఆణిముత్యాలే. ప్రజల మనసులో చెరగని ముద్ర వేసుకుపోయిన 'రాజా' సినిమా వచ్చి నేటికీ సరిగ్గా 21 ఏళ్ళు.
|
|