‘రణబీర్’ మారడా..

బాలీవుడ్  చాక్లెట్ బాయ్  రణబీర్ కపూర్ కి ప్రేమ..పెళ్లి ఇదంతా ఓ గేమ్ లా ఫీలవుతుంటాడు.  అమ్మాయిలని తన చుట్టూ తిప్పుకోవడం పెళ్లి వరకు తీసుకెళ్ళడం ఆపై గుడ్ బై చెప్పడం మామూలే. దీపిక పదుకొణే..కత్రినా కైఫ్ లతో  ప్రేమ..పెళ్లి వరకు వెళ్లి టాటా..బైబై చెప్పాడీ హీరో. అదంతా అయిపోయిందిలే అనుకుంటే ఇప్పుడు వంతు నటి ఆలియాభట్ ది.  కొంతకాలంగా వీరిద్దరూ డేటింగ్ లో ఉన్నారు. ఇరుకుటుంబీకులు వీరి ప్రేమకి ఓకే చెప్పి పెళ్లికి ముహూర్తం కూడా ఫిక్స్ చేసే పనిలో ఉన్నారు. ఇంతలోనే బాలీవుడ్ లో ఓ వార్త చక్కర్లు కొడుతోంది.  రణబీర్..ఆలియాల  బంధం  ఎంతో కాలం  సాగదు  అనే  టాక్ వినిపిస్తోంది. ఇక ఇన్నాళ్లు ఆలియాతో చెట్టాపట్టాల్ అంటూ తిరిగేసిన రణబీర్ ఇక తనకు దూరం కానున్నాడన్న వార్త  ఆలియా  ఫ్యాన్స్ కు షాకిస్తోంది. ఇక రణబీర్ గత హిస్టరీ పరిశీలిస్తే.. తన ఎఫైర్ల గురించి అందరికీ తెలిసిందే. గాళ్స్ తో చెట్టా పట్టాలేసుకుని షికార్లు చేయడం రణబీర్ కు ఓ హాబీ.  ఇలాంటి  ప్రేమ  కథలు రణబీర్ లైఫ్ లో ఇంకా చాలానే ఉన్నాయి. ఆ బ్రేకప్ లు అన్నింటి తర్వాత రణబీర్ అలియా తో బ్రహ్మాస్త్ర షూటింగ్ సమయంలో లవ్ లో పడ్డాడు. అనంతరం ఈ జంట పెళ్లి చేసుకుని ఒకటి కాబోతున్నట్లు జోరుగా ప్రచారం సాగింది. ఇరు కుటుంబాల సమక్షంలో రహస్యంగా ఎంగేజ్ మెంట్ కార్యక్రమం పూర్తి చేసినట్లు ప్రచారంలోకి వచ్చింది. ఈ సారి బుద్ధిగా అలియాని పెళ్లి చేసుకుని ఓ ఇంటివాడు కావడం ఖాయమనే భావించారంతా. గత అనుభవాల నేపథ్యంలో అలియాని తప్పక కపూర్ ఇంట కోడలిని చేయడం ఖాయమనే బలమైన ప్రచారం సాగింది. కానీ అదీ మూడునాళ్లు ముచ్చటేనని తాజాగా బాలీవుడ్ మీడియా కోడై కూస్తోంది. కొన్ని నెలలుగా ఇద్దరి మధ్య మనస్ఫర్ధలు తలెత్తాయట. తాజాగా అవి నిజమేనని ఓ వేడుక నిరూపించింది. అలియా భట్ పుట్టిన రోజు ఈనెల 15న ఘనంగా జరింది. ఆ వేడుకల్లో రణబీర్ ఎక్కడా కనిపించలేదు. కనీసం విషెస్ కూడా చెప్పినట్లు ఎక్కడా ఆధారాలు దొరకలేదు. ప్రేమలో ఉన్నన్నాళ్లు స్పెషల్ గా  సెలబ్రేట్ చేసిన రణబీర్ ఈసారి అస్సలు పట్టించుకున్న పాపాన పోలేదుట. ఇక అలియా కూడా రణబీర్ కు దూరంగానే ఉందని ఈ సందర్భంగా వెలుగులోకి వచ్చింది. రణబీర్ కుటుంబానికి దూరంగానే ఉంటోందని టాక్ వినిపిస్తోంది. దీంతో ఈ జంట బ్రేకప్ అయినట్లేనని బాలీవుడ్ లో ప్రచారం ఊపందుకుంది. విడిపోవడానికి కారణాలు అనేకం. ఆ విషయాలు ఆ రెండు హృదయాలకే తెలియాలి. మరి ఇవి నిజమేనని నిరూపిస్తారా  పెళ్లి చేసుకుని ఇలాంటి ప్రచారానికి పుల్ స్టాప్ పెడతారా  అన్నది చూడాలి.