యాంకర్ సుమ రాజీవ్ ఇంట్లో విషాదం
cinema | Suryaa Desk | Published : Tue, Apr 07, 2020, 12:55 AM
తెలుగు ఫేమస్ యాంకర్ సుమ ఇంట్లో విషాదం జరిగింది. సుమ భర్త రాజీవ్ కనకాల సోదరి శ్రీలక్ష్మీ సోమవారం అనారోగ్యంతో మృతి చెందింది. గత కొంత కాలంగా శ్రీలక్ష్మీ కనకాల అనారోగ్య సమస్యలతో బాధపడుతుంది. శ్రీలక్ష్మీ భర్త ప్రముఖ జర్నలిస్టు పెద్ది రామారావు. ఈ దంపతులకు ఇద్దరు ఆడపిల్లలున్నారు. 2019 ఆగష్టులో రాజీవ్ కనకాల తండ్రి, నటుడు దేవదాసు కనకాల మృతి చెందాడు. అంతకు 2 సంవత్సరాల ముందు ఆయన భార్య లక్ష్మీ మృతి చెందింది.దేవదాసు కనకాల,లక్ష్మీ దంపతులకు ఏకైక కూతురు శ్రీలక్ష్మీ కావడంతో ఆమెను చిన్ననాటి నుంచి గావురంగా పెంచారని పలువురు గుర్తు చేసుకుంటున్నారు. రెండేళ్ల కాలంలోనే సుమ రాజీవ్ కనకాల ఇంట్లో మూడు మరణాలు చోటు చేసుకున్నాయి. సుమకు శ్రీలక్ష్మీ ఆడపడచు ఐనా ఇద్దరు అక్కాచెల్లెల వలే కలిసుండేవారని సన్నిహితులు గుర్తు చేసుకుంటున్నారు. రాజీవ్ తో సుమ పెళ్లి కంటే ముందే శ్రీలక్ష్మీ, సుమ స్నేహితురాల్లు. శ్రీలక్ష్మీ కూడా పలు సీరియల్లలో నటించింది. శ్రీలక్ష్మీ మరణంతో వారి కుటుంబ సభ్యులు, అభిమానులు విషాదచాయల్లో మునిగిపోయారు. శ్రీలక్ష్మీ మృతితో పలువురు సినీ ప్రముఖులు సంతాపం తెలిపారు. suma sis in law
|
|