ఆ అభిమాని విషయంలో ఆనందంగా ఉన్న అనసూయ
cinema | Suryaa Desk | Published : Sun, Apr 26, 2020, 11:49 AM
తెలుగు ఇండస్ట్రీలో కేవలం యాంకర్గానే కాకుండా నటిగా కూడా మంచి గుర్తింపు సంపాదించుకుంది అనసూయ భరద్వాజ్. ఇప్పుడిప్పుడే ఈమె మంచి మంచి పాత్రలు చేస్తూ తనకంటూ ప్రత్యేక గుర్తింపు సంపాదించుకుంటుంది.అనసూయకి యూత్ లో వున్న క్రేజ్ అంతా ఇంతా కాదు. తనకి గల క్రేజ్ కి తగినట్టుగానే నచ్చిన పాత్రలను మాత్రమే ఎంచుకుంటోంది. ఆయా పాత్రల ద్వారా ఆమె అభిమానులకు మరింత చేరువవుతోంది. సోషల్ మీడియా ద్వారా తన పట్ల అభిమానులు చూపుతున్న ఆదరణకు ఆమె సంతోషంతో పొంగిపోతోంది.తాజాగా ఒక అభిమాని ఆమెతో మాట్లాడుతూ .. "మా అమ్మగారు పెద్దగా సినిమాలు చూడదు. అందువలన సినిమా తారల్లో ఆమె ఇష్టపడేవారు కూడా ఎవరూ లేరు. అలాంటి మా అమ్మగారు ఆ మధ్య 'రంగస్థలం' సినిమా చూశారు. అప్పటి నుంచి ఆమె మీ అభిమానిగా మారిపోయారు. ఈ స్థాయిలో మా అమ్మగారి అభిమానాన్ని పొందినవారు లేరు" అంటూ రాసుకొచ్చాడు. అందుకు అనసూయ ఆనందాన్ని వ్యక్తం చేస్తూ .. "మీ అమ్మగారికి నా ధన్యవాదాలు తెలియజేయండి .. ఇంతగొప్ప అభిమానిని పొందినందుకు ఆనందంగా వుంది" అంటూ అనసూయ సమాధానమిచ్చింది.
|
|