త్వరలోనే మూవీ షూటింగ్స్ లో పాల్గొననున్న రకుల్
cinema | Suryaa Desk | Published : Wed, Jul 01, 2020, 05:19 PM
టాలీవుడ్ లో వరుసగా మూడు సంవత్సరాలు కనీసం ఖాళీ లేకుండా సినిమాలు చేసిన రకుల్ గత రెండేళ్ల కాలంగా ఆఫర్లు దక్కించుకోవడమే గగనం అయ్యింది. ఈమద్య కాలంలో అసలు ఆఫర్లే లేవు. తెలుగుపై ఆశ వదులుకున్న ఈ అమ్మడు మెల్లగా బాలీవుడ్ మరియు కోలీవుడ్ వైపు అడుగులు వేసింది. అక్కడ అడపా దడపా ఆఫర్లు వస్తున్నాయి. తాజాగా తమిళంలో ఈమె కమిట్ అయిన ఒక సినిమా నుండి తొలగించేందుకు చర్చలు జరుగుతున్నానే వార్తలు పలు వెబ్ మీడియాల్లో వచ్చాయి.తమిళంలో రకుల్ ఒక సినిమాకు కమిట్ అయ్యింది. లాక్ డౌన్ కారణంగా, ఇళ్లకే పరిమితమైపోయారు. మూడు నెలల తర్వాత ఇప్పుడు వెసులుబాట్లు రావడంతో కొందరు నిర్మాతలు తమ షూటింగులను ప్రారంభించడానికి ఏర్పాట్లు చేసుకుంటున్నారు. అయితే, కొందరు తారలు మాత్రం కరోనాకు భయపడుతూ, ఇప్పట్లో షూటింగులకు హాజరయ్యేది లేదని తెగేసి చెప్పేస్తున్నారు. మరికొందరు మాత్రం వృత్తి ధర్మానికి కట్టుబడి షూటింగులకు రెడీ అంటున్నారు.ఈ నేపథ్యంలో అందాలభామ రకుల్ ప్రీత్ సింగ్ కూడా షూటింగు చేయడానికి సిద్ధమవుతోంది. అర్జున్ కపూర్ హీరోగా భూషణ్ కుమార్ నిర్మిస్తున్న హిందీ చిత్రంలో రకుల్ కథానాయికగా నటిస్తోంది. ఈ చిత్రం షూటింగును ఈ నెలలోనే ముంబైలో ప్రారంభించనున్నారు. ఇందులో పాల్గొనడానికి ఓకే చెప్పిన రకుల్ త్వరలోనే ఢిల్లీ నుంచి ముంబై రానుంది.
|
|