వెబ్ సిరీస్ లో కనిపించనున్న ప్రకాశ్ రాజ్
cinema | Suryaa Desk | Published : Wed, Jul 01, 2020, 05:25 PM
అన్ని భాషల్లో సినిమా చేసి, తనకంటూ పేరు ప్రఖ్యాతలు సంపాదించుకొని విలక్షణ నటుడిగా గుర్తింపు పొందిన నటుడు ప్రకాశ్ రాజ్. పాత్రలకు ప్రాణం పోయటంలో ప్రకాశ్ రాజ్ ది ప్రత్యేకత. కేవలం నటుడిగానే కాదు నిర్మాతగా, కథకుడిగా, దర్శకుడిగా అనుభవం ఉన్న ప్రకాశ్ రాజ్ ఇప్పుడు వెబ్ సిరీస్ లోకి ఎంట్రీ ఇవ్వబోతున్నాడు.. లాక్ డౌన్ కి ముందు నుంచీ కొందరు తారలు వెబ్ సీరీస్ వైపు వచ్చినప్పటికీ, ఇప్పుడు ఇది మరింత ఎక్కువైంది. ఆకర్షణీయమైన పారితోషికాలతో పాటు మంచి క్యారెక్టర్లు పోషించే అవకాశాలు వస్తుండడంతో వెబ్ సీరీస్ లో నటించడానికి బిజీ తారలు సైతం ఉత్సాహం చూపిస్తున్నారు.ఈ క్రమంలో ప్రముఖ క్యారెక్టర్ నటుడు ప్రకాశ్ రాజ్ కూడా తొలిసారిగా వెబ్ సీరీస్ లో నటించడానికి రెడీ అయ్యారు. ప్రముఖ నిర్మాత అనిల్ సుంకర నిర్మిస్తున్న వెబ్ సీరీస్ లో ప్రధాన పాత్ర పోషించడానికి ఆయన అంగీకరించారు. అంతేకాదు, దానికి స్క్రిప్టు కూడా ఆయనే సమకూరుస్తున్నారు. ఇటీవలి కాలంలో దేశంలోని పలుచోట్ల చోటుచేసుకున్న కొన్ని వాస్తవ సంఘటనలతో ఈ వెబ్ సీరీస్ రూపొందుతోందని తెలుస్తోంది.
|
|