రామ్ గోపాల్ వర్మ 'థ్రిల్లర్' మూవీ ట్రైలర్ టాక్..

సెన్సేషనల్ డైరెక్టర్ రామ్ గోపాల్ వర్మ కరోనా టైంలో కూడా వరుస సినిమాలు తీస్తూ ఆడియన్స్ కు ఎంటర్టైన్మెంట్ అందిస్తున్నారు. ఆర్జీవీ వరల్డ్ థియేటర్ అని ఓన్ ప్లాట్ ఫార్మ్ క్రియేట్ చేసుకొని తక్కువ నిడివి గల సినిమాలు తీస్తూ డబ్బులు దండుకుంటున్నారు. ఇప్పటికే 'క్లైమాక్స్' 'నగ్నం' 'పవర్ స్టార్' సినిమాలను విడుదల చేసిన వర్మ ''మర్డర్'' ''థ్రిల్లర్'' అనే రెండు సినిమాలు రిలీజ్ కి రెడీ చేసారు. ముందుగా NNN సిరీస్ లో భాగంగా తెరకెక్కిన 'థ్రిల్లర్' సినిమాని ప్రేక్షకుల ముందుకు తీసుకొస్తున్నారు. ఇప్పటికే ''థ్రిల్లర్'' ఫస్ట్ లుక్ పోస్టర్ తో సంచలనం క్రియేట్ చేసిన వర్మ లేటెస్టుగా ఈ మూవీ ట్రైలర్ రిలీజ్ చేసాడు.
కాగా ఒక ఇంట్లోకి ప్రవేశించిన అమ్మాయిని ఎవరో తరుముతున్నట్లు చూపించిన వర్మ అతను మనిషా లేక దెయ్యమా అనే ఉత్కంఠ కలిగించేలా ట్రైలర్ కట్ చేసాడు. దీంట్లో థ్రిల్లింగ్ అంశాలు ఉన్నప్పటికీ ఎక్కువగా ఒడిశా బ్యూటీ అప్సర రాణిపై ఫోకస్ పెట్టినట్లు అర్థం అవుతోంది. స్టైలిష్ జీన్స్ లో ఎంట్రీ ఇచ్చిన ఈ బ్యూటీని 360 డిగ్రీస్ కెమెరా యాంగిల్స్ లో చూపించారు వర్మ. ఇక అప్సర కూడా తన అందాల వర్మ కోరినట్లు అందాల విందును వడ్డించేసింది. ముఖ్యంగా ఆమె పై పెట్టిన కెమెరా యాంగిల్స్ ఇంతవరకు ఏ కెమెరామెన్ పెట్టలేదని చెప్పవచ్చు. దీనికి 'నగ్నం' సినిమాకి ఉపయోగించిన బ్యాగ్రౌండ్ స్కోర్ కంటిన్యూ చేస్తూనే రామ రామ కృష్ణ కృష్ణ..హరి ఓం.. శంభో శివ శంభో అనే శ్లోకాన్ని కూడా వాడాడు. దీంతో ట్రైలర్ చూసిన కొందరు వర్మకి పిచ్చి పీక్స్ కి వెళ్ళిందని కామెంట్స్ చేస్తున్నారు.
అయితే వర్మ ఎప్పటిలాగే హాట్ హాట్ సన్నివేశాలలో ఈ సినిమాపై మరింత హైప్ క్రియేట్ చేశారు. 2 నిమిషాల 36 సెకనుల నిడివితో వచ్చిన థ్రిల్లర్ మూవీ ట్రైలర్ చూసిన కొందరు టికెట్ రూ.1000 అయినా సినిమా చూస్తామంటూ కామెంట్లు చేస్తున్నారు. ఇప్పటికే అప్సర రాణి ఫోటోలు రిలీజ్ చేసి ఈ రొమాంటిక్ మూవీకి కావాల్సినంత ప్రచారం చేసేశారు వర్మ. ఇక ఈ సినిమాని తెలుగుతో పాటు హిందీ తమిళం కన్నడ మలయాళం మరాఠి భోజ్ పురి గుజరాతి ఒడియా భాషల్లో విడుదల చేయనున్నారు. ఈ చిత్రాన్ని సౌత్ ప్లస్ ఎంటర్టైన్మెంట్ ప్రొడక్షన్స్ వారు నిర్మించగా డీఎస్సార్ సంగీతం అందించారు. ఆర్జీవీ వరల్డ్ థియేటర్ మరియు శ్రేయాస్ ఈటీ ప్లాట్ ఫాంలలో త్వరలో ''థ్రిల్లర్'' ని విడుదల చేస్తున్నారు.