కొరటాల శివతో పవన్ మల్టీ స్టారర్..?

టాలీవుడ్ లో పవన్ కళ్యాణ్ సినిమా వస్తుంది అనగానే ప్రేక్షకులు ఏ రేంజ్ లో ఎదురు చూస్తారో... ప్రత్యేకంగా చెప్పాల్సిన అవసరం లేదు. పవన్ కళ్యాణ్ తో సినిమా చేయడానికి చాలామంది స్టార్ హీరోలు కూడా ఎదురు చూస్తారు. ఆయనతో సినిమా అవకాశం వస్తే చాలు అనుకునే వాళ్ళు చాలామంది ఉన్నారు. పవన్ కళ్యాణ్ తో మల్టీస్టారర్ సినిమాలు చేయడానికి కొంత మంది స్టార్ హీరోలు ఈ మధ్య కాలంలో ఎక్కువగానే ప్రయత్నాలు చేస్తున్నారు. దర్శక నిర్మాతలు కూడా ఇప్పుడు పవన్ కళ్యాణ్ తో మల్టీస్టారర్ సినిమా చేస్తే మంచి లాభాలు వస్తాయని భావిస్తున్నారు.

పవన్ కళ్యాణ్ తో సినిమా చేయడానికి సుబ్బిరామిరెడ్డి గత కొంతకాలంగా తీవ్ర స్థాయిలో ప్రయత్నాలు చేస్తున్నారు. చిరంజీవి పవన్ కళ్యాణ్ కాంబినేషన్ లో ఆ సినిమాను తీసుకువచ్చే విధంగా ఆయన తీవ్రంగా కష్టపడుతున్నారు, అయినా సరే అందుకు తగిన విధంగా పరిస్థితి మాత్రం కనబడడం లేదు అనే విషయం చెప్పవచ్చు. ప్రస్తుతం పవన్ కళ్యాణ్ నాలుగు సినిమాలతో బిజీగా ఉన్నారు. ఇక ఆయన తర్వాత ఏ సినిమా చేస్తారు ఏంటి అనేది తెలియదు గాని దాదాపు మల్టీస్టారర్ సినిమా చేయడానికి సుబ్బిరామిరెడ్డి ఎక్కువగానే ఆసక్తిగా ఉన్నట్లుగా తెలుస్తుంది.

దర్శకుడెవరు ఏంటి అనేది ఇంకా ఎలాంటి స్పష్టత లేదు. కానీ త్వరలోనే దీనికి సంబంధించి ఒక క్లారిటీ రానుంది. త్రివిక్రమ్ శ్రీనివాస్ ని దాదాపుగా ఒప్పించినట్లు ప్రచారం జరిగింది. అయితే కొరటాల శివతో ఈ మల్టీ స్టారర్ సినిమా చేయాలని భావిస్తున్నారట. ప్రస్తుతం కొరటాల శివ చేతిలో రెండు సినిమాలు ఉన్న సంగతి తెలిసిందే. ఈ రెండు సినిమాల తర్వాత ఆయన ఇంకా ఎవరితో సినిమా చేసేది స్పష్టత లేదు. దాదాపు గా మహేష్ బాబు తో సినిమా చేసే అవకాశం ఉంది అనే వార్తలు వచ్చాయి.