టుమారోల్యాండ్ మ్యూజిక్ ఫెస్టివల్ ఏం జరిగింది

ఇప్పుడు స్పెషల్ ఇన్వెస్టిగేషన్ టీమ్ మన సెలబ్రిటీలను ఏం ప్రశ్నలు అడుగుతుందో ఎవరూ బయటకు చెప్పకపోయినా కూడా.. ఎందుకోగాని మీడియా మాత్రం వాటిని తెలుసుకుని తెగ ప్రచారం చేస్తోంది. అలా ఇప్పుడు మాస్ రాజా రవితేజను సిట్ వారు అడిగిన ప్రశ్నలు గురించి కూడా అనేక ఊహాగానాలు వినిపిస్తున్నాయి. అందులో ముఖ్యంగా బెల్జియంలో జరిగిన టుమారోల్యాండ్ ఫెస్టివల్ గురించే పెద్దగా వినిపిస్తోంది. 

అప్పట్లో ఒకసారి సమంత కొన్ని ఫోటోలను షేర్ చేసి రచ్చ లేపేసింది. దాదాపు సినిమాల్లో ఎలాగైతే తన అందాలన్నీ దారబోసేలా కురచ దుస్తుల్లో దర్శనమిస్తుందో.. సేమ్ అదే లుక్కులో అమ్మడు బెల్జియం రాజధాని బ్రస్సెల్స్ వెళ్ళింది. అప్పటికి ఇంకా తమ లవ్ గురించి పబ్లిక్ గా చెప్పలేదు కాని.. అక్కడ నాగ చైతన్యతో కలసి టుమారోల్యాండ్ మ్యూజిక్ ఫెస్టివల్ ను ఆస్వాదించింది. అక్కడకు రవితేజ.. అతడి అసిస్టెంట్ శ్రీనివాస్ మాత్రమే కాదు.. రానా దగ్గుబాటి.. రెజీనా.. రకుల్ ప్రీత్.. నితిన్.. అలాగే డిజైనర్ నీరజా కోన కూడా వెళ్ళారు. ఆ పార్టీలో రవితేజ డ్రగ్స్ సేవించాడనే అనుమానం వచ్చిన సిట్ టీమ్.. దాని గురించే ప్రశ్నించారట. అయితే అక్కడ కేవలం రేవ్ పార్టీలో పాల్గొని మ్యూజిక్ ఎంజాయ్ చేశామే తప్పించి తాను ఎటువంటి డ్రగ్స్ సేవించలేదని రవితేజ చెప్పాడట. 

నిజంగా ఒకవేళ అక్కడ రవితేజ రేవ్ పార్టీలో ఏదైనా ఇలాంటి విషయాలు జరుగుంటే మాత్రం.. ఇప్పుడు అదే పార్టీకి వెళ్ళిన ఇతర సెలబ్రిటీలపై కూడా ఎక్సయిజ్ శాఖ ఫోకస్ పెడుతుందేమో. ప్రస్తుతానికైతే ఈ టుమారోల్యాండ్ పార్టీలో డ్రగ్స్ వంటివి జరగలేదనే అధికారులు కూడా నమ్ముతున్నట్లు తెలుస్తోంది.