‘దర్శకుడు’ తొలి టికెట్ మెగాస్టార్కే
cinema | Suryaa Desk | Published : Wed, Aug 02, 2017, 03:27 PM
మెగాస్టార్ చిరంజీవి సినిమా చూస్తానంటే స్పెషల్ షో వేసి మరీ చూపిస్తారు నిర్మాతలు. అలాంటిది ఆయన టికెట్ కొని సినిమాకెళ్లడమేంటి అనుకుంటున్నారా. నిజమేనండి ఆయన టికెట్ కొనే సినిమాకెళ్తున్నారు. కాకపోతే దాన్ని చిత్ర యూనిట్ ఉచితంగానే ఆయనకి అందజేసింది. ఇంతకీ ఆ సినిమా ఏదో తెలుసా.. సుకుమార్ నిర్మాణ సారథ్యంలో వస్తు్న్న ‘దర్శకుడు’. ఈ సినిమా ప్రొమోషన్ విషయంలో సుకుమార్ చాలా జాగ్రత్తలు తీసుకుంటున్నారు. ఇప్పటికే టీజర్ రిలీజ్ ఫంక్షన్కు ఎన్టీఆర్ను, ఆడియో రిలీజ్ ఫంక్షన్కు రాం చరణ్ను, అలాగే ప్రీ రిలీజ్ ఫంక్షన్కు అల్లు అర్జున్ను తీసుకొచ్చిన సుక్కు.. ‘దర్శకుడి’కి మంచి హైప్ తీసుకొచ్చాడు. తాజాగా మెగాస్టార్ చిరంజీవికి తన సినిమా తొలి టికెట్ను అందజేసి ఆశీస్సులు అందుకున్నాడు.
‘దర్శకుడు’ టీం బుధవారం చిరంజీవిని కలుసుకుంది. శుక్రవారం (ఆగస్టు 4) ప్రసాద్ ఐమ్యాక్స్లో వేసే ‘దర్శకుడు’ తొలి షో మొదటి టికెట్ను చిరంజీవికి అందజేశారు. హీరో హీరోయిన్లుగా నటిస్తున్న అశోక్, ఈషాలతో పాటు దర్శకుడు హరిప్రసాద్ జక్కాను సుకుమార్ చిరంజీవికి పరిచయం జేశారు. ఈ సందర్భంగా చిరంజీవి చిత్ర యూనిట్కు ఆల్ ది బెస్ట్ చెప్పారు. చిరంజీవిని కలిసిన వీడియోను సుకుమార్ తన యూట్యూబ్ చానల్ ద్వారా ప్రేక్షకులతో పంచుకున్నారు.
|
|