తేజ్ యాక్సిడెంట్ పై పోలీసులకు అనుమానాలు...!
cinema | Suryaa Desk | Published : Sat, Sep 11, 2021, 04:03 PM
మెగా హీరో సాయి ధరమ్ తేజ రోడ్డు ప్రమాదంపై పోలీసులు విచారణ ప్రారంభించారు. రోడ్డు ప్రమాదంపై పోలీసులు కొన్ని అనుమానాలు వ్యక్తం చేస్తున్నారు. సాయి ధరమ్ తేజ్ ఎక్కడి నుంచి ఎక్కడికి వెళుతున్నారనే దానిపై ఆరా తీస్తున్నారు. అతడు తన ఇంటి దగ్గర నుంచి సీనియర్ నటుడు నరేష్ ఇంటికి వెళ్ళిన దానిపై ఆరా తీస్తున్నారు. నరేష్ ఇంటి నుంచి నరేష్ కొడుకుతో కలిసి తేజ్ బయటికి వెళ్లినట్లు తెలుస్తోంది. వారు బైక్ రేసింగ్ కు పాల్పడ్డారన్న అనుమానాలపై కూడా పోలీసులు ఆరా తీస్తున్నారు. నరేష్ కుమారుడు, తేజ్ ఇద్దరూ కలిసి ఎటు వెళ్తున్నారన్న దానిపై విచారణ చేస్తున్నారు. ఇప్పటికే సాయి ధరమ్ తేజ్ పై కేసు నమోదు చేసినట్లు మాదాపూర్ డీసీపీ తెలిపారు. తేజ్ కోలుకున్నాక అతడిని విచారిస్తామని, బైక్ రైడింగ్ లకు పాల్పడితే చర్యలు తీవ్రంగా ఉంటాయని తెలిపారు. అవసరమైతే నరేష్ కొడుకు నవీన్ స్టేట్ మెంట్ రికార్డు చేస్తామన్నారు. తేజ, నవీన్, మరో వ్యక్తి కలిసి ఒకే చోట నుంచి బయలుదేరినట్టు అనుమానాలు వ్యక్తమవుతున్నాయి. ఒక డిస్టనేషన్ పెట్టుకుని ఎవరు ముందు వెళ్తారు? అనేదానిపై రైడింగ్ జరిగినట్టు అనుమానిస్తున్నారు. దీనిపై నటుడు నరేష్ మాట్లాడుతూ.. బైక్ రైడింగ్పై సాయి ధరమ్ తేజ్ ని హెచ్చరించానని, చాలా సార్లు రైడింగ్ వద్దని చెప్పానని అన్నారు. తేజ్ యాక్సిడెంట్ కు ముందు తన ఇంటి నుంచే బయల్దేరాడని తెలిపారు. అలాగే తేజ్, తన కుమారుడు ఇద్దరు కలిసి రైడింగ్ చేస్తారని ఆయనే స్వయంగా వెల్లడించారు. రైడింగ్ పై ఇది వరకే ఇద్దరినీ హెచ్చరించానని తెలిపారు.
|
|