ఓ వైపు కూతురు, మరో వైపు మనవరాలితో 'బిగ్ బీ' క్విజ్ షో.. ఎగ్జైట్ మెంట్ లో అభిమానులు
cinema | Suryaa Desk | Published : Fri, Nov 26, 2021, 08:22 PM
'బిగ్ బీ' 'కౌన్ బనేగా కరోడ్పతి'. త్వరలో వెయ్యో ఎపిసోడ్ ప్రసారం కానుంది. ఈ ఎపిసోడ్ కి ప్రత్యేక ఆకర్షణగా 'బిగ్ బి' కూతురు, మరో వైపు మనవరాలితో వేదికపై సందడి చేయనున్నారు, అయితే అమితాబ్ తనయుడు అభిషేక్ బచ్చన్ నటుడిగా అందరికీ తెలుసు. ఇక బచ్చన్ పరివార్లో జయా బచ్చన్, ఐశ్వర్య బచ్చన్ కూడా మనకు తెలిసిన వారే. అయితే, మరీ ఎక్కువగా లైమ్లైట్లోకి రానిది శ్వేతా బచ్చన్. ఆమె బిగ్ బీ కూతురు. మంచి రచయిత్రి అయిన ఆమె 1997లో నిఖిల్ నందాని పెళ్లాడింది. అలా... శ్వేతా బచ్చన్ నందాగా మారిన ఆమె 'కౌన్ బనేగా కరోడ్పతి' వెయ్యవ ఎపిసోడ్లో హాట్సీట్పై సత్తా చాటనుంది. తనతో పాటూ శ్వేతా బచ్చన్ కూతురు నవ్యా నవేలీ నందా కూడా అమితాబ్ సంధించే ప్రశ్నల్ని ఎదుర్కోనుంది. ఈ విషయాన్ని స్వయంగా తన ఫాలోయర్స్కి తెలిపిన నవ్యా నందా, ఇన్స్టాగ్రామ్లో, కొన్ని ఫోటోలు షేర్ చేసింది.
21 ఏళ్ల తరువాత... 999 ఎపిసోడ్స్ అనంతరం... అంటూ కామెంట్ చేసింది! ఓ వైపు కూతురు, మరో వైపు మనవరాలితో బిగ్ బీని చూసిన నెటిజన్స్ చాలానే ఎగ్జైట్ మెంట్ తో ఉన్నారు.
|
|