బుల్లితెర సీరియల్స్ లో సూపర్ స్టార్...నిజమేనా?
cinema | Suryaa Desk | Published : Tue, Aug 30, 2022, 06:35 PM
సూపర్ స్టార్ మహేష్ బాబును ఇప్పటివరకు వెండితెరపై మాత్రమే చూసారు ఆడియన్స్. ఐతే, ఇప్పుడు మహేష్ ను బుల్లితెరపై కూడా చూసే అవకాశం కల్పిస్తుంది జీ తెలుగు ఛానెల్.
ఈ మేరకు జీ తెలుగు ఛానెల్ లో ప్రసారమవుతున్న డాన్స్ ఇండియా డాన్స్ అనే రియాలిటీ షోలో మహేష్ బాబు తన కూతురు సితారాతో సహా చీఫ్ గెస్ట్ గా పాల్గొన్న వీడియో ఇప్పటికే ఒక రేంజులో హల్చల్ చేస్తుంది. సెప్టెంబర్ నాల్గవ తేదీన రాత్రి తొమ్మిదింటికి ఈ ఎపిసోడ్ ను పూర్తిగా చూసి అందులో మహేష్ స్వాగ్ ను ఎంజాయ్ చెయ్యవచ్చు.
జీ తెలుగు ఛానల్ మరియు మహేష్ మధ్య జరిగిన డీల్ ఇందుకు కారణమని తెలుస్తుంది. డీల్ లో భాగంగా త్వరలోనే మహేష్ ఈ ఛానెల్ లో ప్రసారమవుతున్న సీరియల్స్ లో స్పెషల్ గెస్ట్ గా కూడా హాజరు కాబోతున్నారని వినికిడి. అంతకు ముందు హీరో నితిన్ కూడా ఇలానే బుల్లితెర సీరియల్స్ లో స్పెషల్ అప్పియరెన్స్ ఇస్తారని వార్త వచ్చింది. కానీ, అది కేవలం పుకారుగానే మిగిలిపోయింది. మరి మహేష్ విషయంలో ఈ వార్త ఎంతవరకు నిజమనేది తెలియాల్సి ఉంది.
|
|