రంగు మూవీ ప్రీ రిలీజ్ ఈవెంట్ మెరిసిన నందిని రాయి ,దీప్తి సునైనా

న‌ల్లాస్వామి స‌మ‌ర్ప‌ణ‌లో యు అండ్ ఐ ఎంట‌ర్‌టైన్మెంట్స్ ప‌తాకంపై బిగ్ బాస్ కంటెస్టెంట్, హీరో తనీష్ లేటెస్ట్ మూవీ ‘రంగు’. విజయవాడ రౌడీ షీటర్ లారా జీవిత కథ ఆధారంగా కార్తికేయ‌.వి ద‌ర్శ‌క‌త్వంలో తెరకెక్కిన రంగు మూవీ ప్రీ రిలీజ్ ఈవెంట్ ఆదివారం హైద‌రాబాద్‌లో ఘనంగా జ‌రిగింది. బిగ్ బాస్ సీజన్ 2 సెలబ్రిటీలు ప్రీ రిలీజ్ ఈవెంట్‌లో ‌ 

ప్రత్యేక ఆకర్షణగా నిలిచారు. బిగ్ బాస్ ఇంట్లో తోటి సభ్యుడు తనీష్ కోసం తమ ఫెర్మార్మెన్స్‌ చేశారు. ఈ సందర్భంగా ‘రంగు’ సినిమా పాటలను బిగ్ బాస్ సెలబ్రిటీలు లాంచ్ చేశారు. సిరివెన్నెల సీతారామశాస్త్రి మాట్లాడుతూ.. ‘లారా పాత్రలో తనీష్ నటన ఒక రిఫరెన్స్‌గా మిగులుతుంది. కథ బాగుంటే సినిమాలు ప్రజాదరణ పొందుతున్నాయి. గాయంలో ‘నిగ్గదీసి అడుగు.. ఈ సిగ్గులేని జగాన్ని’ అనే పాట రాసాను. అది నాకు చాలా తృప్తినిచ్చింది. ఆ తర్వాత ‘ఎక్కడ ఉంది ఈ చిక్కుముడి’ అంటూ రంగులో రాసిన పాట చాలా నచ్చింది. తాను ఎదుగుతూ పది మందికి చేయూతనిచ్చే వ్యక్తి పద్మనాభరెడ్డి. ఇలాంటి వ్యక్తులు ఇండస్ట్రీలో తక్కువుగా ఉంటారని’ చెప్పారు. పరుచూరి వెంకటేశ్వర్రావు మాట్లాడుతూ ‘సినిమా చూశాను. తనీష్ కనపడలేదు, లారానే కనిపించాడు. మా అబ్బాయి 

పరుచూరి రవి నటన కూడా బాగుంది. వందల సినిమాలకు కథ, మాటలు అందించాం. నాకు కార్తికేయ అందించిన కథ మాకు బాగా నచ్చింది. లారా కుటుంబసభ్యులు ఈ సినిమా చూసి కన్నీళ్లు పెట్టుకున్నారు. మనుషులలో రకరకాల రంగులు ఇండ‌స్ట్రీకి వ‌చ్చి 20 ఏళ్లు అయ్యిందన్నాడు నటుడు తనీష్. ‘తొలి సినిమా హిట్ అయిన రోజు సంతోషించినంతగా, నేడు కూడా చాలా ఆనందంగా ఉంది. సిరివెన్నెల సీతారామ‌శాస్త్రి, ప‌రుచూరి వెంక‌టేశ్వ‌ర‌రావు వంటి దిగ్గ‌జాల‌తో క‌లిసి ప‌నిచేశాను. చాలా రోజుల త‌ర్వాత మా అమ్మ నాకోసం ఈ ఫంక్ష‌న్‌కు వ‌చ్చారు. నా ఎక్స్‌డెంటెడ్ (బిగ్‌బాస్) ఫ్యామిలీతో జ‌రుపుకుంటున్న తొలి ఫంక్ష‌న్. ఈ మూడు కార‌ణాల‌తో నేను చాలా ఆనందంగా ఉన్నానని‌ తనీష్ పేర్కొన్నారు.