ఇంట్రెస్టింగ్ క్యారెక్టర్ చేసేందుకు సిద్ధమవుతున్నా: సమంత
cinema | Suryaa Desk | Published : Fri, Nov 30, 2018, 03:03 PM
సమంత చాలా ఆసక్తికరమైన క్యారెక్టర్ చేసేందుకు సిద్ధమవుతోందట. కానీ తనకు ఛాలెంజ్లు.. వాటిని యాక్సెప్ట్ చెయ్యటాలు లాంటివి పెద్దగా నచ్చవని చెబుతోంది. ఇటీవల రంగస్థలం సినిమాలో అచ్చ తెలుగు పల్లెటూరి ఆడపడుచులా కనిపించి ప్రేక్షకుల హృదయాలు గెలుచుకున్న సామ్.. మరో ఛాలెంజింగ్ రోల్కి సిద్ధమవుతోందట. ఈ విషయాన్ని స్వయంగా ట్విటర్ ద్వారా వెల్లడించింది.
‘‘చాలా చాలా ఆసక్తికరమైన క్యారెక్టర్ చేసేందుకు సిద్ధమవుతున్నా. దీని గురించి నేను చాలా భయపడుతున్నా.. రోజంతా నెర్వస్గా ఉన్నా. కానీ నేను ఛాలెంజ్ని ఎప్పటికీ ఒప్పుకోను. కొన్నిసార్లు.. నిజానికి చాలా సార్లు నువ్వు ఊహించుకున్న దానికంటే బలవంతురాలివి’’ అంటూ తన కొత్త సినిమా గురించి సామ్ ట్వీట్ చేసింది. అయితే ఇటీవల సామ్ 70 ఏళ్ల వృద్ధురాలిగా కనిపించబోతోందంటూ వార్తలు వచ్చాయి. అది ఈ సినిమానే అయి ఉంటుందని నెటిజన్లు భావిస్తున్నారు.
|
|