విశాల్ పెళ్లి హైదరాబాద్ అమ్మడితో
cinema | Suryaa Desk | Published : Fri, Jan 18, 2019, 01:42 AM
సినీ నటుడు, నడిగర్ సంగం అధ్యక్షుడు విశాల్ పెళ్లి త్వరలో జరుగబోతుందన్న సంగతి తెలిసిందే. హైదరాబాద్కు చెందిన ఓ వ్యాపారవేత్త కుమార్తె అయిన అల్ల అనీశా రెడ్డితో ఆయన వివాహం జరగనున్నట్లు గతంలో విశాల్ తండ్రి, నిర్మాత జీకే రెడ్డి మీడియా ద్వారా వెల్లడించారు. అయితే విశాల్ను పెళ్లిచేసుకోబోయే అమ్మాయి ఎవరా అని అభిమానులు ఆసక్తిగా ఎదురుచూస్తున్నారు. ఆ అనీషా ఎవరో కాదు ‘పెళ్లిచూపులు’ చిత్రంలో విజయ్ దేవరకొండకు ప్రేయసిగా నటించిన అమ్మాయి. ‘అర్జున్రెడ్డి’ చిత్రంలో కూడా అనీశా నటించారు. విశాల్తో కలిసి దిగిన ఫొటోను అనీశా ఇన్స్టాగ్రామ్లో పోస్ట్ చేశారుకొత్త జీవితాన్ని ప్రారంభించబోతున్నాను. నా ఎదుగుదలలో, ఆలోచనల్లో స్ఫూర్తిగా నిలిచినందుకు మీ అందరికీ ధన్యవాదాలు. నా జీవితంలో కొత్త జీవితాన్ని ప్రారంభించడానికి నాకు సరైన తోడు దొరికింది. విశాల్ మంచి మనసు నాకెంతో నచ్చింది. విశాల్తో జీవితం పంచుకుని ఆయన్ను సంతోషంగా ఉంచడానికి నా బెస్ట్ నేను ప్రయత్నిస్తాను.’ అని అనీశా తెలిపారు. ఈ నెలలోనే హైదరాబాద్లో నిశ్చితార్థం జరగబోతోందని విశాల్ తండ్రి వెల్లడించారు. పెళ్లి కూడా ఇక్కడే చేయబోతున్నట్లు పేర్కొన్నారు
|
|