సంక్రాంతి 'వారసుడు' ఈసారి దసరాకి రాబోతున్నాడా?
cinema | Suryaa Desk | Published : Sat, Jan 28, 2023, 07:32 PM
కోలీవుడ్ స్టార్ హీరో తలపతి విజయ్ తన 67వ సినిమాను సెన్సేషనల్ డైరెక్టర్ లోకేష్ కనగరాజ్ డైరెక్షన్లో చేస్తున్నారు. ఈ ప్రాజెక్ట్ పై అఫీషియల్ అప్డేట్ కోసం తలపతి అభిమానులు కళ్ళు కాయలు కాసేలా ఎదురుచూస్తున్న విషయం తెలిసిందే. ఈ నేపథ్యంలో మైఖేల్ ప్రమోషన్స్ లో పాల్గొన్న లోకేష్ మాట్లాడుతూ.. వచ్చే నెల మొదటివారంలో ముఖ్యంగా 1,2,3 తేదీలలో తలపతి 67కి సంబంధించిన ఎక్జయిటింగ్ అప్డేట్ రాబోతుందని అఫీషియల్ ఎనౌన్స్మెంట్ చేసి, తలపతి అభిమానుల్లో కొత్త ఉత్సాహాన్ని నింపారు.
ఈ విషయం పక్కన పెడితే, తాజాగా ఈ సినిమా విడుదలపై మీడియాలో ఆసక్తికరమైన న్యూస్ ఒకటి హల్చల్ చేస్తుంది. అదేంటంటే, సంక్రాంతికి 'వారసుడు' గా వచ్చిన విజయ్ ఈ సారి దసరా పండుగకు మరోసారి థియేటర్లకు రాబోతున్నట్టు ప్రచారం జరుగుతుంది.
గతంలో విజయ్- లోకేష్ కలయికలో వచ్చిన మాస్టర్ మూవీ బ్లాక్ బస్టర్ హిట్ గా నిలవడంతో ఈ కాంబోపై అభిమానుల్లో బోలెడన్ని అంచనాలున్నాయి.
|
|