30 సంవత్సరాల తర్వాత రజినీకాంత్ నుంచి పోలీస్ క్యారెక్టర్
cinema | Suryaa Desk | Published : Wed, Jan 23, 2019, 05:11 PM
లేటు వయసులో యమ ఊపుమీదున్నాడు సూపర్ స్టార్ రజనీకాంత్. ఒకప్పుడు రజనీ నుంచి రెండేళ్లకు ఓ సినిమా రావడమే గగనంగా ఉండేది. అలాంటిది.. ఏడు నెలల వ్యవధిలో మూడు సినిమాలు రిలీజయ్యాయి. గత ఏడాది జూన్ నుంచి ఈ ఏడాది సంక్రాంతి లోపు ‘కాలా’.. ‘2.0’.. ‘పేట’ సినిమాలతో పలకరించాడు సూపర్ స్టార్. ఇంతటితో ఆగకుండా వెంటనే మురుగదాస్ సినిమాను మొదలుపెట్టే ప్రయత్నంలో ఉన్నాడు. ఇంకొన్ని రోజుల్లోనే ఈ సినిమా సెట్స్ మీదికి వెళ్లనుంది. తాజాగా ఈ సినిమా గురించి ఒక ఆసక్తికర అప్ డేట్ బయటికి వచ్చింది.
సూపర్ స్టార్ మూడు దశాబ్దాల విరామం తర్వాత పోలీస్ పాత్ర చేయబోతున్నాడట ఈ చిత్రంలో. చివరగా ఆయన 1988లో ‘కోడి పరకుదు’ సినిమాలో పోలీస్ పాత్రలో నటించాడు. ఆ సినిమా అప్పట్లో సూపర్ హిట్టయింది. మామూలుగా స్టార్ హీరోలు కొన్నేళ్ల గ్యాప్లో పోలీస్ పాత్రలు చేస్తూనే ఉంటారు. కానీ రజనీ మాత్రం ఈ మూడు దశాబ్దాల్లో మళ్లీ పోలీస్ క్యారెక్టరే చేయలేదు. ఎట్టకేలకు మురుగదాస్ రజనీ కోసం కాప్ రోల్ డిజైన్ చేశాడని కోలీవుడ్ మీడియా అంటోంది. రజనీ ‘కోడి పరకుదు’ కంటే ముందు చేసిన పోలీస్ సినిమాలు కూడా మంచి విజయం సాధించాయి.
70 ఏళ్లకు చేరువ అవుతున్న రజనీ ఇప్పుడు పోలీస్ పాత్రలో మునుపటి ఎనర్జీని ఎలా చూపిస్తాడన్నది ఆసక్తికరం. ఈ రోజుల్లో పోలీస్ క్యారెక్టర్ అంటే ఫిజిక్, ఫిట్నెస్ చాలా కీలకం. మరి రజనీ ఎలా మేనేజ్ చేస్తాడో చూడాలి. ఈ మధ్య మీడియాతో మాట్లాడుతూ రజనీతో తాను చేయబోయే సినిమా ఫాంటసీ డ్రామా అని చెప్పాడు మురుగదాస్. మరీ పోలీస్ కథలో ఎలాంటి ఫాంటసీ ఉంటుందన్నది ఆసక్తికరం. ఈ చిత్రంలో కీర్తి సురేష్ కథానాయికగా నటిస్తుందని వార్తలొస్తున్నాయి.
|
|