లండన్లో దుమ్మురేపిన బ్యూటీ!
cinema | Suryaa Desk | Published : Sat, Jan 26, 2019, 08:03 PM
అందాల తార శృతిహాసన్ కొత్త అవతారం ఎత్తారు. ఇప్పటి వరకు వెండి తెర మీద జిగేల్ అనిపించిన ఈ సుందరి లండన్లో రాక్స్టార్గా మారిపోయి సంగీత ప్రియులను ఆకట్టుకొన్నారు. ఇటీవల లండన్లోని పాపులర్ రెస్టారెంట్లో ఆలపించిన పాప్ సాంగ్ ఆడియెన్స్ను ఊర్రూతలూగించింది. నటనకు దూరంగా ఉంటున్న ఈ బ్యూటీ లండన్ ప్రియుడితో కలిసి హంగామా చేస్తున్నారు. సరికొత్త అవతారాల్లో అభిమానులకు చేరువ కాబోతున్నారు. లండన్లో రాక్స్టార్గా శ్రుతిహాసన్ లండన్లో అత్యంత ప్రజాదరణ పొందిన రెస్టారెంట్ ఏదైనా ఉంటే అది ట్రాబడార్ రెస్టారెంట్. అక్కడి సంగీత ప్రియులకు, భోజన ప్రియులకు ఫేవరేట్ అడ్డా. ఆ రెస్టారెంట్లో ఓ బ్యాండ్ నిర్వహించిన సంగీత కచేరీలో శృతిహాసన్ రాక్స్టార్గా మారిపోయారు. త్వరలో సరికొత్త ఆల్బమ్ విడుదల ఇక సంగీత కచేరిలో శ్రుతీహాసన్ ఎవరో పాడిన పాటలు పాడారంటే పప్పులో కాలేసినట్టే. తాను సొంతంగా రూపొందించిన పాటలను స్వయంగా ఆలపించారట. త్వరలోనే తాను రూపొందించిన పాటలతో శ్రుతీహాసన్ ఓ ఆల్బమ్ను విడుదల చేయనున్నారు.
|
|