చిక్కుల్లో పవన్ హీరోయిన్

పవన్ కల్యాణ్, పూరీ జగన్నాథ్ కాంబినేషన్‌లో వచ్చిన మొదటి బ్లాక్ బస్టర్ మూవీ ‘బద్రీ’. ఈ సినిమాలో ప్రకాశ్ రాజ్ చెల్లెల్లిగా నటించిన బాలీవుడ్ బ్యూటీ అమీషా పటేల్. ఆ సినిమా వచ్చి 19 ఏళ్లు గడిచిపోయినా... ఇప్పటికీ హాట్ ఫోటోషూట్లతో కుర్రాళ్ల మతులు పొగొడుతూనే ఉంది అమీషా పటేల్. 42 ఏళ్ల వయసులోనూ అందాల ఆరబోతకు ఎలాంటి హద్దులు పెట్టుకోని ఈ సీనియర్ మోస్ట్ హీరోయిన్... సోషల్ మీడియాలో హాట్ హాట్ ఫోటోలు పెడుతూ అభిమానులను అలరిస్తూ ఉంటోంది. ‘హాట్ ఆంటీ’గా నెటిజన్స్ గుర్తింపు పొందిన అమిషా తాజాగా అనుకోని చిక్కుల్లో ఇరుక్కుంది. ఓ పెళ్లి వేడుకలో డ్యాన్స్ చేస్తానని చెప్పి, డబ్బులు తీసుకుని... వెడ్డింగ్‌కు కూడా రాకుండా ఎగొట్టిందని అమీషాపై ఛీటింగ్ కేసు నమోదు చేశాడో ఈవెంట్ మేనేజర్.

ఉత్తరప్రదేశ్ రాష్ట్రంలోని మొరదాబాద్ సిటీలో ‘డ్రీమ్ విజ్డమ్’ అనే ఈవెంట్ మేనేజ్‌మెంట్ కంపెనీ నడుపుతున్న పవన్ శర్మ అనే వ్యక్తి... కొన్నాళ్ల కిందట అమీషాను కలిసి... ఓ పెళ్లివేడుకలో డ్యాన్స్ చేసేందుకు ఒప్పందం కుదుర్చుకున్నాడు. ఇందుకు అడ్వాన్స్‌గా ఆమెకు రూ.11 లక్షలు కూడా చెల్లించాడు. అయితే డబ్బులు తీసుకున్న అమీషా... సమయానికి పెళ్లికి రాలేదు. ఏమైందని అడిగితే... మరో రూ.2 లక్షలు ఇవ్వాలని, ఎక్స్‌ట్రా పేమెంట్ చేస్తేనే వస్తానని డిమాండ్ చేసింది. అంతేకాకుండా అమీషా... ఆమె టీమ్ చెప్పాపెట్టకుండా ముంబయి తిరిగి వచ్చేశారని ఫిర్యాదు చేశాడు పవన్ శర్మ. 2016లో జరిగిన ఈ సంఘటన వల్ల మానసికంగా, ఆర్థికంగా చాలా చితికిపోయానని చెప్పిన పవన్ శర్మ... డబ్బులు వెనక్కి ఇవ్వాలని అడిగితే చంపేస్తానని బెదిరించారని తన ఫిర్యాదులో పేర్కొన్నాడు.

న్యూమ్యాక్స్ ఎంటర్‌టైన్‌మెంట్ కంపెనీ పేరు మీద రాజ్ కుమార్ అనే వ్యక్తి... తన దగ్గర నుంచి డబ్బులు తీసుకున్నట్టు చెప్పిన పవన్ శర్మ... సంఘటన జరిగిన నాలుగు సంవత్సరాల తర్వాత పోలీసులకు ఫిర్యాదు చేశాడు. హీరోయిన్ అమీషా పటేల్‌తో పాటు అహ్మద్ షరీఫ్, సురేశ్ పర్మార్, రాజ్‌కుమార్ గోస్వామిలపై కేసు నమోదు చేసిన పోలీసులు... మార్చి 12లోగా వీరంతా కోర్టులో హాజరుకావాలని కోరారు.