రామ్ గోపాల్ వర్మ'లక్ష్మీస్ ఎన్టీఆర్' పై వస్తున్న వార్తలపై స్పందించాడు
cinema | Suryaa Desk | Published : Thu, Feb 28, 2019, 01:25 PM
సంచలన దర్శకుడు రామ్ గోపాల్ వర్మ దర్శకత్వంలో తెరకెక్కిన చిత్రం ‘లక్ష్మీస్ ఎన్టీఆర్’. ఎన్టీఆర్ జీవితంలోకి లక్ష్మీ పార్వతి ప్రవేశించినప్పటి నుంచి ఆయన మరణించే వరకూ జరిగిన పరిణామాలతో ఈ చిత్రాన్ని రూపొందించారు. ఈ చిత్రానికి సంబంధించిన పిక్స్ను ఎప్పటికప్పుడు సోషల్ మీడియాలో రిలీజ్ చేస్తూ ప్రేక్షకుల్లో సినిమాపై ఆసక్తిని విపరీతంగా పెంచేశారు. దీంతో సినిమా విడుదల కోసం ప్రేక్షకులు ఎంతగానో ఎదురు చూస్తున్నారు.
అయితే చిత్రానికి సంబంధించిన డిస్ట్రిబ్యూషన్ హక్కులు అమ్మేశారంటూ వార్తలు వెలువడుతున్న నేపథ్యంలో ఆర్జీవీ దీనిపై స్పందించారు. ‘‘లక్ష్మీస్ ఎన్టీఆర్కి సంబంధించి గమనిక: లక్ష్మీస్ ఎన్టీఆర్ డిస్ట్రిబ్యూషన్ హక్కులు ఎవరెవరో ఏదో ఖరీదుకి కొనుక్కున్నారు అని వస్తున్న రకరకాల వార్తల్లో నిజాలు లేవు. ఎవరికి ఏ ఖరీదుకి ఫైనల్ చేయబోతున్నారన్న వివరాలు జీవీ ఫిలిమ్స్, ఆర్జీవీ మరియు రాకేష్ రెడ్డిలు త్వరలో అప్డేట్ చేస్తారు’’ అని ట్వీట్ చేశారు.
|
|