బాలీవుడ్‌లోకి ఎన్టీఆర్‌ ప్రవేశం ఆ చిత్రంతోనే
cinema | Suryaa Desk | Published : Tue, Oct 03, 2023, 04:43 PM
హృతిక్‌ రోషన్‌ హీరోగా అయాన్‌ ముఖర్జీ తెరకెక్కించనున్న ‘వార్‌ - 2’చిత్రంతో బాలీవుడ్‌లోకి ఎంట్రీ ఇస్తున్నారు యంగ్‌ టైగర్‌ ఎన్టీఆర్‌.. పక్కా యాక్షన ఎంటర్‌టైనర్‌గా రూపొందుతున్న ఈ చిత్రం ప్రీ ప్రొడక్షనలు పూర్తయ్యాయి. ఇటీవలే ఎన్టీఆర్‌తో అయాన్‌ ముఖర్జీ చర్చలు జరిపారు. నవంబర్‌లో షూటింగ్‌ ప్రారంభమయ్యే అవకాశం ఉంది. ప్రస్తుతం ఎన్టీఆర్‌ 'దేవర’ షూటింగ్‌లో బిజీగా ఉన్నారు. అయితే 'వార్‌-2’ చిత్రం కన్నా ముందే ఎన్టీఆర్‌ బాలీవుడ్‌ ఎంట్రీ ఇస్తున్నట్లు బాలీవుడ్‌ మీడియా కోడై కూస్తోంది. 'వార్‌-2 కాకుండా మరో చిత్రంలో ఎన్టీఆర్‌ అతిథిగా కనిపించనున్నారట. సల్మాన్‌ఖాన్‌, కత్రినా కైఫ్‌ జంటగా నటిస్తోన్న చిత్రం ‘టైగర్‌ 3’. ‘టైగర్‌ జిందా హై’కు సీక్వెల్‌గా మనీశ్‌ శర్మ దర్శకత్వం వహిస్తున్నారు. ఈ చిత్రంలో క్లైమాక్స్‌లో ఎన్టీఆర్‌ కనిపించనున్నారట. ఈ విషయంపై బాలీవుడ్‌ మీడియాలో ఇప్పటికే వార్తలు వచ్చాయి. దీంతో ‘వార్‌ 2’ కంటే ముందే ఎన్టీఆర్‌ బీటౌన్‌లో ఎంట్రీ ఇవ్వడం ఖాయమని అభిమానులు భావిస్తున్నారు.
|
|
