సత్తా చాటిన మ్యాడ్ చిత్రం
cinema | Suryaa Desk | Published : Tue, Oct 10, 2023, 08:27 AM
ప్రముఖ నిర్మాణ సంస్థ సితార ఎంటర్ టైనమెంట్ సంస్థ నిర్మాత నాగ వంశీ సమర్పణలో, నిర్మాత సూర్యదేవర రాధాకృష్ణ కుమార్తె హారిక, ప్రముఖ దర్శకుడు త్రివిక్రమ్ శ్రీనివాస్ భార్య సౌజన్య నిర్మాతలుగా కాలేజీ నేపథ్యంలో 'మ్యాడ్' అనే సినిమా ప్రేక్షకుల ముందుకు వచ్చింది. దీనికి దర్శకుడు కళ్యాణ్ శంకర్ అతనికి కూడా ఇది మొదటి సినిమా. ఈ వారం విడుదలైన సినిమాలలో ఈ 'మ్యాడ్' సినిమా టాప్ గా నిలిచింది. కొత్తవాళ్లతో తీసిన ఈ చిన్న బడ్జెట్ సినిమా బాక్స్ ఆఫీస్ దగ్గర కలెక్షన్స్ తో ఆశ్చర్యపరుస్తోంది. మూడు రోజులకు గాని ఈ సినిమా రూ. 8.4 కోట్ల గ్రాస్ కలెక్టు చేసిందని ఈ చిత్ర నిర్వాహకులు అధికారికంగా వెల్లడించారు. ఈ సినిమా గత వారం విడుదలైన సినిమాలన్నిటిలో టాప్ గా నిలవడమే కాకుండా, ఇంకో చిన్న సినిమా బాక్స్ ఆఫీస్ దగ్గర పెద్ద విజయం సాధించిన సినిమాగా కూడా వుంది. ఎన్టీఆర్ బావమరిది నార్నె నితిన్ ఇందులో ఒక కథానాయకుడు కాగా, సంతోష్ శోభన్ తమ్ముడు సంగీత్ శోభన్ ఇంకొక కథానాయకుడు.
|
|