ట్రెండింగ్
ఈనెల 15న విడుదల కానున్న ‘హాయ్‌ నాన్న’ టీజర్‌
cinema | Suryaa Desk | Published : Sat, Oct 14, 2023, 03:47 PM
నాచురల్ స్టార్ నాని కథానాయకుడిగా నటిస్తున్న చిత్రం ‘హాయ్‌ నాన్న’. మృణాల్‌ ఠాకూర్‌ కథానాయిక. బేబీ కియారా ఖన్నా కీలక పాత్రధారి. శౌర్యువ్‌ దర్శకత్వం వహించారు. మోహన్‌ చెరుకూరి, డాక్టర్‌ విజయేందర్‌ రెడ్డి తీగల నిర్మాతలు. ఈనెల 15న టీజర్‌ విడుదల చేస్తున్నారు. ‘‘తండ్రీ కూతుళ్ల అనుబంధం నేపథ్యంలో సాగే చిత్రమిది. ప్రేమకథ కూడా ఆహ్లాదకరంగా ఉంటుంది. ఇప్పటికే విడుదల చేసిన రెండు పాటలకూ మంచి స్పందన వచ్చింది. టీజర్‌ కోసం అభిమానులంతా ఆసక్తిగా ఎదురు చూస్తున్నారు. వారి అంచనాలకు తగ్గట్టుగానే టీజర్‌ ఉండబోతోంద’’ని నిర్మాతలు తెలిపారు. ఈ చిత్రాన్ని డిసెంబరు 21న విడుదల చేయనున్నారు. సంగీతం: హేషమ్‌ అబ్దుల్‌ వాహాబ్‌.
|
|