‘వాట్ ది ఫిష్’ లో క్రేజీ పాత్రలో వెన్నెలకిషోర్
cinema | Suryaa Desk | Published : Tue, Oct 17, 2023, 11:04 AM
మంచు మనోజ్ చాలా కాలం తర్వాత ‘వాట్ ది ఫిష్’ తో కమ్ బ్యాక్ ఇస్తున్నారు. నూతన దర్శకుడు వరుణ్ కోరుకొండ దర్శకత్వంతో పాటు ఈ చిత్రానికి కథ, స్క్రీన్‌ప్లే అందిస్తున్నారు. ‘మనం మనం బరంపురం’ అనేది సినిమా ట్యాగ్‌లైన్. పాన్-ఇండియాతో పాటు ప్రపంచవ్యాప్తంగా విడుదల కానున్న ఈ చిత్రాన్ని 6ix సినిమాస్‌ విశాల్ బెజవాడ, సూర్య బెజవాడ నిర్మిస్తున్నారు. మనోజ్‌ని విభిన్న గెటప్‌లలో ప్రజెంట్ చేస్తూ ఇప్పటికే విడుదల చేసిన ఫస్ట్ లుక్ గ్లింప్స్‌ మంచి స్పందనను రాబట్టుకోగా.. తాజాగా ఈ చిత్రంలో కీలక పాత్ర పోషిస్తున్న వెన్నెల కిశోర్ ఫస్ట్ లుక్‌ని మేకర్స్ విడుదల చేశారు. ఇందులో వెన్నెల కిశోర్ పాత్ర చాలా క్రేజీగా ఉంటుందని ఈ ఫస్ట్ లుక్ చూస్తే అర్థమవుతోంది. ఈ సినిమా అడ్వెంచర్ షూటింగ్ టొరంటో నగరం, కెనడాలోని వివిధ ప్రదేశాలలో జరిగిందని, ఈ చిత్రం కోసం ప్రతిభావంతులైన నటీనటులు, టెక్నికల్ టీం పని చేస్తుందని మేకర్స్ తెలిపారు.
|
|