ట్రెండింగ్
‘తెలుసు కదా’ చిత్రాన్ని ప్రారంభించిన సిద్దు జొన్నలగడ్డ
cinema | Suryaa Desk | Published : Tue, Oct 17, 2023, 11:00 AM
డీజే టిల్లు సినిమాతో మంచి పేరు సంపాదించుకున్న సిద్దు జొన్నలగడ్డ కథానాయకుడిగా పీపుల్‌ మీడియా ఫ్యాక్టరీ సంస్థ ఓ చిత్రాన్ని రూపొందిస్తోంది. నీరజ కోన దర్శకురాలిగా పరిచయం అవుతున్నారు. టీజీ విశ్వ ప్రసాద్‌ నిర్మాత. ఈ చిత్రానికి ‘తెలుసు కదా’ అనే టైటిల్‌ ఖరారు చేశారు. రాశీఖన్నా, శ్రీనిధి శెట్టి కథానాయికలు. ‘‘సరికొత్త కథాంశం ఇది. ప్రేమ, స్నేహం, కుటుంబం, త్యాగం, స్వార్థం.. ఇలా అన్ని రకాల భావోద్వేగాల్నీ మేళవించాం. సిద్దు లుక్‌ ఫ్రెష్‌గా ఉంటుంది. సాంకేతికంగా అత్యున్నతంగా తీర్చిదిద్దుతున్నాం. క్వాలిటీ విషయంలో రాజీ పడడం లేదు’’ అని నిర్మాత తెలిపారు. ఈ చిత్రానికి తమన్‌ సంగీతం అందిస్తున్నారు.
|
|