ట్రెండింగ్
వెబ్‌ సిరీస్‌ తో ముందుకురానున్న ఓంకార్
cinema | Suryaa Desk | Published : Tue, Oct 17, 2023, 10:57 AM
దర్శకుడు ఓంకార్ రూపొందించిన హారర్‌ వెబ్‌ సిరీస్‌ ‘మాన్షన్‌ 24’. డిస్నీ ప్లస్‌ హాట్‌ స్టార్‌లో స్ట్రీమింగ్‌ కానుంది. సత్యరాజ్‌, వరలక్ష్మీ శరత్‌కుమార్‌, అవికా గోర్‌, నందు, బిందు మాధవి, రావు రమేశ్‌ తదితరులు నటించారు. సోమవారం జరిగిన ప్రీ రిలీజ్‌ ఈవెంట్‌లో దర్శకుడు ఓంకార్ మాట్లాడుతూ ‘నేను రూపొందించిన తొలి వెబ్‌ సిరీస్‌ ఇది. ఫ్యామిలీతో ఎంజాయ్‌ చేసే మంచి సిరీస్‌. ఆర్టిస్టులు, టెక్నీషియన్లు అందరం కష్టపడి పని చేశాం’ అన్నారు. సత్యరాజ్‌ మాట్లాడుతూ ‘నేను దయ్యాలు ఉన్నాయంటే నమ్మను కానీ ‘మాన్షన్‌ 24’ ట్రైలర్‌ చూసిన తర్వాత భయం వేసింది. హారర్‌ ఫిల్మ్స్‌తో మెప్పించాలంటే దర్శకుడికి ఫిల్మ్‌ మేకింగ్‌లో కొన్ని గిమ్మిక్స్‌ తెలిసి ఉండాలి. అలాంటివి ఓంకార్‌కు బాగా తెలుసు’ అన్నారు.
|
|