శివాజీ గేమ్ స్ట్రాటజీ ఏంటి..?
cinema | Suryaa Desk | Published : Tue, Oct 17, 2023, 11:12 AM
బిగ్‌బాస్‌ సీజన్-7 ఇంట్లో ఉన్న సభ్యుల్లో కొందరు మాత్రమే ఆట సరిగ్గా ఆడుతున్నారు. మైండ్‌గేమ్‌ ఆడేవాళ్లల్లో శివాజీ ఒకరు. తనకంటే ఒక ఫ్యాన్ బేస్‌ క్రియేట్‌ చేసుకున్నాడు. అయితే ఇంట్లో టాప్‌ కంటెస్టెంట్స్‌లో ఒకడిగా ఉన్న శివాజీని బయటకు పంపారు. అదో పెద్ద సంచలనంగా మారింది. ఇదంతా అయ్యాక సోమవారం జరిగిన ఎపిసోడ్‌లో బిగ్‌బాస్‌ శివాజీని కన్ఫెషన్ రూమ్‌లోకి పిలిచి చెయ్యి ఎలా ఉందో అడిగారు. కొంత ఇబ్బందిగానే ఉందని శివాజీ సమాధానమిచ్చారు. దీంతో బిగ్‌ బాస్‌ ‘శివాజి.. మీరు వైద్య పరీక్షల కోసం బయటకు రావాల్సి ఉంటుంది. స్కానింగ్‌ అయిన తర్వాత మళ్లీ లోపలికి పంపుతాము. ఈ విషయాన్ని ఇంటి సభ్యులకు చెప్పి బయటకు రండి’ అని చెప్పాడు బిగ్‌బాస్‌. దాంతో శివాజీ కంటెస్టెంట్స్‌ అందరినీ గార్డెన్లోకి పిలిచి ‘నేను వెళ్లొస్తాను’ అంటూ మెయిన్‌ గేట్‌ వైపు వెళ్లాడు. దీంతో అక్కడున్న వాళ్లంతా ఆయన ఎలిమినేట్‌ అవుతున్నాడని అనుకుని కన్నీరుమున్నీరయ్యారు. అప్పుడు శివాజీ అసలు విషయం చెప్పాడు. అయినా ఎవరూ నమ్మలేదు. ప్రశాంత్‌, యావర్‌ విపరీతంగా ఏడ్చారు. శివాజీ వెళ్లిన కాసేపటికి స్టోర్‌రూమ్‌లో బెల్‌ మోగింది. కాఫీ పౌడర్‌ను పంపించారు. అది చూసిన అమర్‌దీప్‌ ‘కాఫీ పంపించారు అంటే శివాజి అన్న మళ్లీ వస్తున్నారు’ అని అర్థం అన్నాడు. దీంతో అందరూ సంతోషపడ్డారు. ఆ కాసేపటికే శివాజి హౌస్‌లోకి అడుగు పెట్టాడు.
|
|