ట్రెండింగ్
డిసెంబర్ 8న విడుదలకి సిద్దమౌతున్న ‘ఆపరేషన్ వాలెంటైన్’
cinema | Suryaa Desk | Published : Fri, Oct 20, 2023, 02:07 PM
మెగా ప్రిన్స్ వరుణ్ తేజ్ నటిస్తోన్న ‘ఆపరేషన్ వాలెంటైన్’ సినిమాతో హిందీలో అరంగేట్రం చేస్తున్నారు. యదార్ధ సంఘటన స్ఫూర్తితో రూపొందుతున్న ఈ చిత్రంలో వరుణ్ తేజ్ ఇండియన్ ఎయిర్ ఫోర్స్ పైలట్‌గా కనిపించనున్నారు. ప్రస్తుతం ఈ సినిమా షూటింగ్ కంప్లీట్ అయినట్లుగా ‘ఆపరేషన్ వాలెంటైన్ షూటింగ్ పూర్తి’ అని రాసి ఉన్న పోస్టర్‌‌‌ని మేకర్స్ విడుదల చేశారు. ఈ పోస్టర్లో టీమ్ మొత్తం ఆనందంగా కనిపిస్తోంది. మానుషి చిల్లర్ ఈ చిత్రంతో తెలుగు అరంగేట్రం చేస్తోంది. ఇందులో ఆమె రాడార్ ఆఫీసర్ పాత్రను పోషించింది. దేశభక్తి నేపథ్యంలో తెరకెక్కిన ఈ చిత్రాన్ని హిందీ, తెలుగు భాషల్లో ఏకకాలంలో తెరకెక్కించారు. ఈ చిత్రంలో కీలక పాత్రలో నటించిన నవదీప్‌ కూడా ఈ పోస్టర్లో కనిపిస్తున్నారు. ఆపరేషన్ వాలెంటైన్ డిసెంబర్ 8, 2023న తెలుగు, హిందీలో ప్రపంచవ్యాప్తంగా గ్రాండ్‌గా రిలీజ్ కానుంది.
|
|