దక్షిణాది రాష్ట్రాల్లో 'సాలార్' విడుదలపై లేటెస్ట్ బజ్
cinema | Suryaa Desk | Published : Wed, Dec 20, 2023, 07:33 PM
ప్రశాంత్ నీల్ డైరెక్షన్ లో టాలీవుడ్ యంగ్ రెబల్ స్టార్ ప్రభాస్ 'సాలార్' సినిమాలో నటిస్తున్న సంగతి అందరికి తెలిసిందే. తాజా అప్డేట్ ప్రకారం, దక్షిణాది రాష్ట్రాల్లోని పివిఆర్, ఐనాక్స్ మరియు మిరాజ్ సినిమాస్‌లో ఈ సినిమా విడుదలను ఉపసంహరించుకోవాలని సలార్ బృందం ప్లాన్ చేస్తున్నట్లు సమాచారం. నార్త్ ఇండియాలో స్క్రీన్‌ల డిస్ట్రిబ్యూషన్ కారణంగా సాలార్ టీమ్ అసంతృప్తిగా ఉందని లేటెస్ట్ టాక్.
యాక్షన్ థ్రిల్లర్ ట్రాక్ లో వస్తున్న ఈ సినిమాలో ప్రభాస్ సరసన శృతి హాసన్ నటిస్తుంది. ఈ సినిమాలో గోపీ, జగపతిబాబు, పృథ్వీరాజ్ సుకుమారన్, ఈశ్వరీ రావు, పొగరు ఫేమ్ శ్రీయా రెడ్డి, బ్రహ్మాజీ కీలక పాత్రలో కనిపించనున్నారు. ఈ పాన్ ఇండియా సినిమా డిసెంబర్ 22న తెలుగు, తమిళం, కన్నడ, మలయాళం మరియు హిందీ భాషల్లో ప్రేక్షకుల ముందుకు రాబోతుంది. ఈ చిత్రాన్ని హోంబలే ఫిల్మ్స్ పతాకంపై విజయ్ కిరగందూర్ నిర్మిస్తున్నారు.
|
|