చిన్ని కృష్ణపై ప్ర‌ముఖ ర‌చ‌యిత ఆరోప‌ణ‌లు

రచయిత చిన్ని కృష్ణ పవన్ కళ్యాణ్ గురించి చేసిన రాజకీయ వ్యాఖ్యలు ఎంతటి దుమారాన్ని రేపాయో తెలిసిందే.  ఆయన పవన్ గురించి మాట్లాడుతూ మెగాస్టార్ చిరంజీవికి ఇంద్ర లాంటి హిట్ సినిమా ఇస్తే కనీసం ఇంటికి పిలిచి భోజనం పెట్టలేదని అన్నారు.  పవన్ కళ్యాణ్ కు ఓటేస్తే కాపులకు ఒరిగేదేమీ లేదని వ్యాఖ్యానించారు.  దీంతో పరిశ్రమలో సైతం ఆయనపై విమర్శలు వెల్లువెత్తాయి.
తాజాగా ఈ రచయిత ప్రెస్ మీట్ పెట్టి మెగాఫ్యామిలీని, పవన్ కళ్యాణ్ ని విమర్శించాడు. దీంతో చిన్ని కృష్ణపై యుద్ధం ప్రకటించాడు మరో రచయిత ఆకుల శివ. చిన్న కృష్ణ మోసగాడని, చాలా మంది రైటర్ల నుండి ఐడియాలను, కథలను దొంగిలించాడని.. అతడిపై చీటింగ్ కేసులు చాలానే ఉన్నాయని తెలిపాడు.
తారా చౌదరితో సహా చాలా మంది మహిళలను అతడు మోసం చేశాడని ఆరోపణలు చేశారు. మరోసారి మెగాఫ్యామిలీ గురించి మాట్లాడితే నీ జాతకం బయట పెడతా అంటూ చిన్ని కృష్ణకు వార్నింగ్ ఇచ్చాడు. తాను దర్శకుడిని కాకుండా అడ్డుకున్నది కూడా చిన్ని కృష్ణే అంటూ సంచలన కామెంట్స్ చేశాడు. త్వరలోనే ఈ విషయాలకు సంబంధించి ఒక వీడియోను రిలీజ్ చేయబోతున్నట్లు ఆకుల శివ ప్రకటించాడు. ఇప్పుడు ఈ వీడియో కోసం పవన్ ఫ్యాన్స్ తో సహా అందరూ ఎదురుచూస్తున్నారు. 
చిన్ని కృష్ణ నీ జీవితం మొత్తం నాకు తెలుసు, బ‌యటపెట్టమంటావా అంటూ ఎదురుదాడికి దిగారు.  మెగాస్టార్ చిరంజీవి, పవన్ కళ్యాణ్ లాంటి గొప్ప వ్యక్తులు నీలాంటి నిజాయితీ లేని వాళ్ళను దగ్గరకు రానివ్వరని, వాళ్ళను అనే స్థాయి నీకు లేదని, నీ జీవితపు గ్రంథంలో ఉన్న చెత్త మొత్తం బయటపెట్టమంటావా అంటూ వార్నింగ్ ఇచ్చారు.