'దేవర' టీజర్ పై క్యూరియాసిటీ పెంచిన అనిరుధ్
cinema | Suryaa Desk | Published : Wed, Dec 27, 2023, 08:23 PM
కొరటాల శివ డైరెక్షన్ లో టాలీవుడ్ యంగ్ టైగర్ జూనియర్ ఎన్టీఆర్ ఒక చిత్రాన్ని ప్రకటించిన విషయం అందరికి తెలిసిందే. ఈ పాన్-ఇండియన్ చిత్రానికి 'దేవర' అనే టైటిల్ ని మూవీ మేకర్స్ లాక్ చేసారు. యాక్షన్ డ్రామాగా తెరకెక్కుతున్న ఈ చిత్రానికి అనిరుధ్ రవిచందర్ స్వరాలు సమకూరుస్తున్నారు.
మ్యూజిక్ కంపోజర్ ఇప్పుడు ఈ సినిమా టీజర్ గురించి ట్వీట్ చేసి అభిమానులను ఉత్సాహపరిచారు. ఎన్టీఆర్ మరియు కొరటాల శివపై ప్రశంసలు కురిపించాడు. ఇంకా, అనిరుధ్ 'ఆల్ హెల్ ది టైగర్' అనే క్యాప్షన్‌ ని ఇచ్చాడు. అనిరుధ్ రవిచందర్ బ్యాక్ గ్రౌండ్ స్కోర్ కోసం అభిమానులు ఎదురుచూస్తున్నారు. జనవరి 8న టీజర్ విడుదల కానుందని సమాచారం.
ఈ సినిమాలో జూనియర్ ఎన్టీఆర్ సరసన బాలీవుడ్ బ్యూటీ జాన్వీ కపూర్ జోడిగా నటిస్తుంది. ఈ చిత్రం ఏప్రిల్ 5, 2024న విడుదల కానుంది. ఈ సినిమాలో సైఫ్ అలీ ఖాన్, తారక్ పొన్నప్ప కీలక పాత్ర పోషిస్తున్నారు. కళ్యాణ్ రామ్, ఎన్టీఆర్ ఆర్ట్స్ బ్యానర్‌తో కలిసి యువసుధ ఆర్ట్స్ బ్యానర్ ఎ ఈ సినిమాని నిర్మిస్తున్నారు.
|
|