'హనుమాన్' నైజాం రైట్స్ ని సొంతం చేసుకున్న ప్రముఖ ప్రొడక్షన్ హౌస్
cinema | Suryaa Desk | Published : Fri, Dec 29, 2023, 02:07 PM
యంగ్ అండ్ టాలెంటెడ్ హీరో తేజ సజ్జా "ఓహ్ బేబీ", "అద్భుతం" వంటి సినిమాలతో ఆడియన్స్ ని ఆకట్టుకున్నాడు. ఈ హ్యాండ్సమ్ హీరో ఇప్పుడు పాన్ ఇండియా రేంజ్ లో ప్రశాంత్ వర్మ డైరెక్ట్ చేస్తున్న సూపర్ హీరో సినిమా 'హను-మాన్' లో నటిస్తున్నాడు. ఈ సినిమా షూటింగ్ పూర్తయి, పోస్ట్ ప్రొడక్షన్ పనులు జరుగుతున్నాయి.
లేటెస్ట్ అప్డేట్ ప్రకారం, ఈ సినిమా యొక్క నైజాం రీజియన్ డిస్ట్రిబ్యూషన్ హక్కులను మైత్రీ మూవీ డిస్ట్రిబ్యూషన్ ఎల్‌ఎల్‌పి 7.2 కోట్లలకి సొంతం చేసుకున్నట్లు సమాచారం. ఈ విషయాన్ని చిత్ర బృందం సోషల్ మీడియాలో సరికొత్త పోస్టర్ ని విడుదల చేసి ప్రకటించారు.
ఈ పాన్ ఇండియా చిత్రం జనవరి 12, 2024న వెండితెరపైకి రానుంది. అమృత అయ్యర్ ఈ సినిమాలో తేజ సరసన నటిస్తుంది. ఈ సినిమాలో వినయ్ రాయ్, వరలక్ష్మి శరత్‌కుమార్, దీపక్ శెట్టి, గెటప్ శ్రీను, సత్య మరియు ఇతరులు ముఖ్యమైన పాత్రలలో కనిపించనున్నారు. అనుదీప్ దేవ్, హరి గౌర, జై క్రిష్ మరియు కృష్ణ సౌరభ్ ఈ చిత్రానికి సౌండ్‌ట్రాక్‌లు అందిస్తున్నారు. కె నిరంజన్ రెడ్డి తన ప్రైమ్ షో ఎంటర్‌టైన్‌మెంట్ బ్యానర్‌పై హను-మాన్ చిత్రాన్ని నిర్మిస్తున్నారు.
|
|