'హనుమాన్' లో మెగాస్టార్ చిరంజీవి?

యంగ్ అండ్ టాలెంటెడ్ హీరో తేజ సజ్జా "ఓహ్ బేబీ", "అద్భుతం" వంటి సినిమాలతో ఆడియన్స్ ని ఆకట్టుకున్నాడు. ఈ హ్యాండ్సమ్ హీరో ఇప్పుడు పాన్ ఇండియా రేంజ్ లో ప్రశాంత్ వర్మ డైరెక్ట్ చేస్తున్న సూపర్ హీరో సినిమా 'హను-మాన్' లో నటిస్తున్నాడు. ట్రైలర్‌లో హనుమంతుడిగా ఎవరు నటిస్తున్నారో మూవీ మేకర్స్ వెల్లడించలేదు. కేవలం హనుమంతుడి కళ్లే చూపించారు మరికొందరు అవి మెగాస్టార్ చిరంజీవి కళ్లుగా భావించారు.

తాజాగా ఒక ఇంటర్వ్యూలో ఇదే విషయమై ప్రశాంత్ వర్మను ప్రశ్నించారు. ఉద్దేశపూర్వకంగా అలా చేశారా అని ఇంటర్వ్యూయర్ ప్రశ్నించారు. ప్రశాంత్ వర్మ మాట్లాడుతూ.... థియేటర్లలోనే తెలుసుకుంటే బాగుంటుంది. హనుమంతుడిని ఎలా ప్రదర్శించాలనే దానిపై మేము సుమారు 2 సంవత్సరాలు చర్చలు జరిపాము. అయితే ప్రేక్షకులు సంక్రాంతి వరకు వెయిట్ చేసి పెద్ద స్క్రీన్‌లపై అనుభవించాలని కోరుకుంటున్నాను అని అన్నారు. హనుమంతుడి పాత్రలో మెగాస్టార్ స్వయంగా నటించారా? లేక హనుమంతుడిగా యానిమేటెడ్ అవతార్‌లో చూపిస్తారా? అనేది తెలియాలంటే జనవరి 12 వరకు ఆగాల్సిందే.

ఈ పాన్ ఇండియా చిత్రం జనవరి 12, 2024న వెండితెరపైకి రానుంది. అమృత అయ్యర్ ఈ సినిమాలో తేజ సరసన నటిస్తుంది. ఈ సినిమాలో వినయ్ రాయ్, వరలక్ష్మి శరత్‌కుమార్, దీపక్ శెట్టి, గెటప్ శ్రీను, సత్య మరియు ఇతరులు ముఖ్యమైన పాత్రలలో కనిపించనున్నారు. అనుదీప్ దేవ్, హరి గౌర, జై క్రిష్ మరియు కృష్ణ సౌరభ్ ఈ చిత్రానికి సౌండ్‌ట్రాక్‌లు అందిస్తున్నారు. కె నిరంజన్ రెడ్డి తన ప్రైమ్ షో ఎంటర్‌టైన్‌మెంట్ బ్యానర్‌పై హను-మాన్ చిత్రాన్ని నిర్మిస్తున్నారు.