'గ్రేటెస్ట్ ఆఫ్ ఆల్ టైమ్' ఫస్ట్ లుక్ పోస్టర్ రిలీజ్
cinema | Suryaa Desk | Published : Wed, Jan 03, 2024, 02:09 PM
కోలీవుడ్ స్టార్ హీరో తలపతి విజయ్ తన తదుపరి చిత్రాన్ని వెంకట్ ప్రభుతో చేస్తున్నట్లు ప్రకటించిన సంగతి అందరికి తెలిసిందే. ఈ ప్రతిష్టాత్మక ప్రాజెక్ట్‌లో విజయ్ ద్విపాత్రాభినయం చేయనున్నాడు. తాజాగా మూవీ మేకర్స్ ఈ సినిమాకి 'గ్రేటెస్ట్ ఆఫ్ ఆల్ టైమ్' (G.O.A.T.) అనే టైటిల్ ని లాక్ చేసినట్లు వెల్లడించారు. అంతేకాకుండా ఈ చిత్రం యొక్క ఫస్ట్ లుక్ పోస్టర్ ని కూడా చిత్ర బృందం విడుదల చేసింది.
ఈ సినిమాలో విజయ్ సరసన హ్యాపెనింగ్ నటి మీనాక్షి చౌదరి కథానాయికగా నటిస్తోంది. ప్రశాంత్, ప్రభుదేవా, మోహన్, స్నేహ, లైలా, యోగిబాబు, వీటీవీ గణేష్, అజ్మల్ అమీర్, వైభవ్, ప్రేమి, అజయ్ రాజ్, అరవింద్ ఆకాష్ ఈ సినిమాలో కీలక పాత్రలు పోషిస్తున్నారు.
ఎజిఎస్ ఎంటర్‌టైన్‌మెంట్ బ్యానర్‌పై అర్చన కలాపతి, కళపతి ఎస్ అఘోరం, కలపతి ఎస్ గణేష్, కళపతి ఎస్ సురేష్ ఈ భారీ చిత్రాన్ని నిర్మిస్తున్నారు. ఈ మెగా ప్రాజెక్ట్‌కి యువన్ శంకర్ రాజా సంగీతం అందించనున్నారు.
|
|
