'దేవర' నైజాం హక్కులను దక్కించుకునేందుకు చర్చలు జరుపుతున్న ప్రముఖ బ్యానర్
cinema | Suryaa Desk | Published : Sat, Jan 13, 2024, 02:19 PM
కొరటాల శివ డైరెక్షన్ లో టాలీవుడ్ యంగ్ టైగర్ జూనియర్ ఎన్టీఆర్ ఒక చిత్రాన్ని ప్రకటించిన విషయం అందరికి తెలిసిందే. ఈ పాన్-ఇండియన్ చిత్రానికి 'దేవర' అనే టైటిల్ ని మూవీ మేకర్స్ లాక్ చేసారు. తెలుగు చిత్రసీమలో అత్యంత ఆసక్తిగా ఎదురుచూస్తున్న చిత్రాలలో దేవర ఒకటి. ఈ సినిమా 80% షూటింగ్ పూర్తి చేసుకుంది.
ఈ సినిమా థియేట్రికల్ రైట్స్ కొనుగోలు చేసేందుకు పలువురు పెద్ద నిర్మాతలు ముందుకొస్తున్నారు. ఈ సినిమా నైజాం రైట్స్‌ని దక్కించుకునేందుకు మైత్రీ మూవీ మేకర్స్ తీవ్రంగా ప్రయత్నిస్తున్నట్లు వార్తలు వస్తున్నాయి. గత ఏడాది కాలంగా, మైత్రీ మూవీ మేకర్స్ డిస్ట్రిబ్యూషన్ ఫీల్డ్‌లో బాగా పాపులర్ అయ్యారు మరియు సాలార్ వంటి చిత్రాలను విడుదల చేశారు.
ఈ సినిమాలో జూనియర్ ఎన్టీఆర్ సరసన బాలీవుడ్ బ్యూటీ జాన్వీ కపూర్ జోడిగా నటిస్తుంది. ఈ చిత్రం ఏప్రిల్ 5, 2024న విడుదల కానుంది. ఈ సినిమాలో సైఫ్ అలీ ఖాన్, తారక్ పొన్నప్ప కీలక పాత్ర పోషిస్తున్నారు. సౌత్ ఇండియన్ మ్యూజిక్ సెన్సేషన్ అనిరుధ్ రవిచందర్ ఈ సినిమాకి మ్యూజిక్ కంపోజ్ చేస్తున్నారు. కళ్యాణ్ రామ్, ఎన్టీఆర్ ఆర్ట్స్ బ్యానర్‌తో కలిసి యువసుధ ఆర్ట్స్ బ్యానర్ ఎ ఈ సినిమాని నిర్మిస్తున్నారు.
|
|