తన భర్తను పొగిడిన సమంత అక్కినేని.....
cinema | Suryaa Desk | Published : Wed, Apr 03, 2019, 01:05 PM
టాలీవుడ్ మరియు కోలీవుడ్ లో ఇప్పుడు ఫుల్ జోష్ లో ఉంది సమంత. పెళ్లి అయిన తర్వాత కూడా సినిమాలు కొనసాగిస్తూ వైవిధ్యపరమైన కథలను ఎంచుకుంటూ సక్సెస్ లైఫ్ ఎంజాయ్ చేస్తుంది. తాను చివరగా చేసిన చిత్రాలన్నీ భారీ విజయాల్ని సొంతం చేసుకున్నాయి. తాజా చిత్రంగా విడుదలైన 'సూపర్ డీలక్స్' భారీ విజయాన్ని సొంతం చేసుకుంది. ఈ విజయం గురించి తాజాగా ఒక ఇంటర్వ్యూ లో ఒక ఆసక్తికరమైన విషయాన్నీ వెల్లడించింది. 'సూపర్ డీలక్స్' చిత్రంలో బోల్డ్ గా కనిపించే 'వేంబు' పాత్రలో నటించాను. ఈ పాత్రను చేయడం వలన ఎలాంటి విమర్శలు వస్తాయోనని చాలా కంగారు పడ్డాను. కానీ ఈ పాత్రకి విమర్శకుల నుంచి సైతం ప్రశంసలు దక్కుతున్నాయి. సినిమా చూసిన వాళ్లంతా అభినందనలు తెలియజేస్తున్నారు.
ఈ పాత్ర ఇంతటి పేరును తెచ్చిపెట్టడానికి కారకుడు చైతూ అనే చెప్పాలి. ఈ పాత్ర గురించి ఆయనకి చెప్పినప్పుడు .. చేయమని ప్రోత్సహించడం వల్లనే చేశాను. అందుకే ఈ క్రెడిట్ ఆయనకే వెళుతుంది. ఈ సినిమా హిట్ అయిందని తెలియగానే నాగార్జున మామయ్య ఫోన్ చేసి అభినందించారు. ఆయన తన కొడుకులిద్దరినీ ఎలా ప్రోత్సహిస్తారో .. నన్ను అంతే ప్రోత్సహిస్తారు. ఈ విజయం నాకు ప్రత్యేకం .. ఇకపై ఇలా సవాళ్లతో కూడిన పాత్రలనే చేస్తాను" అని చెప్పుకొచ్చింది.ఇక పెళ్లి అయిన తర్వాత నాగచైతన్య తో కలిసి చేసిన సినిమా 'మజిలీ' ఏప్రిల్ 5 న విడుదలకు సిద్ధంగా ఉంది.
|
|