హైదరాబాద్‌లో ప్రారంభమైన 'దేవర' కొత్త షెడ్యూల్
cinema | Suryaa Desk | Published : Thu, Jan 18, 2024, 04:59 PM
కొరటాల శివ డైరెక్షన్ లో టాలీవుడ్ యంగ్ టైగర్ జూనియర్ ఎన్టీఆర్ ఒక చిత్రాన్ని ప్రకటించిన విషయం అందరికి తెలిసిందే. ఈ పాన్-ఇండియన్ చిత్రానికి 'దేవర' అనే టైటిల్ ని మూవీ మేకర్స్ లాక్ చేసారు. ఈ చిత్రం ఏప్రిల్ 5, 2024న విడుదల కానుంది. లేటెస్ట్ రిపోర్ట్స్ ప్రకారం, ఈరోజు హైదరాబాద్‌లోని అల్యూమినియం ఫ్యాక్టరీలో కొత్త షెడ్యూల్ తిరిగి ప్రారంభమైంది. ఈ షెడ్యూల్ రెండు వారాల పాటు కొనసాగుతుంది అని సమాచారం. నగరం నడిబొడ్డున దేవర చిత్రీకరణ కోసం ప్రత్యేక సెట్‌ను మూవీ మేకర్స్ నిర్మించారు.
ఈ సినిమాలో జూనియర్ ఎన్టీఆర్ సరసన బాలీవుడ్ బ్యూటీ జాన్వీ కపూర్ జోడిగా నటిస్తుంది. ఈ సినిమాలో సైఫ్ అలీ ఖాన్ కీలక పాత్ర పోషిస్తున్నారు. సౌత్ ఇండియన్ మ్యూజిక్ సెన్సేషన్ అనిరుధ్ రవిచందర్ ఈ సినిమాకి మ్యూజిక్ కంపోజ్ చేస్తున్నారు. కళ్యాణ్ రామ్, ఎన్టీఆర్ ఆర్ట్స్ బ్యానర్‌తో కలిసి యువసుధ ఆర్ట్స్ బ్యానర్ ఎ ఈ సినిమాని నిర్మిస్తున్నారు.
|
|