మెగాస్టార్ 'విశ్వంభర' పై తాజా అప్‌డేట్
cinema | Suryaa Desk | Published : Wed, Jan 31, 2024, 07:15 PM
టాలీవుడ్ మెగాస్టార్ చిరంజీవి బింబిసార ఫేమ్ దర్శకుడు వస్సిష్ట మల్లిడితో కలిసి ఒక ప్రాజెక్ట్ ని ప్రకటించిన సంగతి అందరికి తెలిసిందే. ఈ భారీ బడ్జెట్ సినిమా చిరంజీవి కెరీర్‌లో 156వ ప్రాజెక్ట్. ఈ చిత్రానికి 'విశ్వంభర' అనే టైటిల్‌ను మూవీ మేకర్స్ లాక్ చేసారు. లేటెస్ట్ అప్‌డేట్ ప్రకారం, ఇంకా నిర్మాణ దశలో ఉన్న ఈ ప్రతిష్టాత్మక ప్రాజెక్ట్ డిస్ట్రిబ్యూషన్ హక్కులను యుఎస్ డిస్ట్రిబ్యూటర్ సరిగమ సినిమాస్ సొంతం చేసుకున్నట్లు సమాచారం. అంతేకాకుండా 15 కోట్లకు ఈ డిస్ట్రిబ్యూషన్ హక్కులను దక్కిన్చుకున్నట్లు వార్తలు వినిపిస్తున్నాయి. ఈ విషయం గురించి మూవీ టీమ్ అధికారకంగా ప్రకటించనప్పటికీ ఈ వార్త ఇప్పుడు సోషల్ మీడియాలో వైరల్ అవుతుంది.
ఈ సినిమాలో త్రిష కథానాయికగా నటిస్తుంది. రచయిత-నటుడు నుండి దర్శకుడిగా మారిన హర్ష వర్ధన్ ఈ చిత్రంలో ఒక ముఖ్యమైన పాత్ర పోషిస్తున్నారు. ప్రముఖ నిర్మాణ సంస్థ UV క్రియేషన్స్ ఈ ప్రతిష్టాత్మక ప్రాజెక్ట్‌ని నిర్మిస్తుంది. ఈ సినిమాకి ఆస్కార్ విన్నింగ్ కంపోజర్ MM కీరవాణి సౌండ్‌ట్రాక్‌ను స్కోర్ చేస్తున్నారు.
|
|