కడపలో ప్రారంభమైన 'వేట్టైయన్' షూటింగ్
cinema | Suryaa Desk | Published : Thu, Feb 01, 2024, 02:19 PM
జై భీమ్ ఫేమ్ టీజే జ్ఞానవేల్ తో తమిళ సూపర్ స్టార్ రజనీకాంత్ తన తదుపరి చిత్రాన్ని ప్రకటించిన సంగతి అందరికి తెలిసిందే. వేట్టైయన్ పేరుతో తెరకెక్కిన ఈ చిత్రంలో అమితాబ్ బచ్చన్, ఫహద్ ఫాసిల్, రానా దగ్గుబాటి, మంజు వారియర్, దుషార విజయన్, రితికా సింగ్ కీలక పాత్రల్లో నటిస్తున్నారు. కొద్ది రోజుల క్రితం విడుదలైన ఈ సినిమా టైటిల్ టీజర్ కు సూపర్ రెస్పాన్స్ వచ్చింది.
లేటెస్ట్ అప్‌డేట్ ప్రకారం, ఈ బిగ్గీ షూటింగ్ ప్రస్తుతం ఆంధ్రప్రదేశ్‌లోని కడపలో జరుగుతోంది. ఈ షెడ్యూల్‌లో సూపర్ స్టార్ రజనీ, ఫహద్ ఫాసిల్, రానా దగ్గుబాటి పాల్గొంటున్నారు. స్టార్ కాస్ట్‌పై కొన్ని కీలక సన్నివేశాలను మూవీ మేకర్స్ చిత్రీకరిస్తున్నారు. త్వరలోనే షూటింగ్ మొత్తం పూర్తవుతుంది అని సమాచారం.
GM సుందర్, రోహిణి, రావు రమేష్, రమేష్ తిలక్ మరియు రక్షణ ఈ ప్రాజెక్ట్‌లో కీలక పాత్రలు పోషిస్తున్నారు. లైకా ప్రొడక్షన్స్ బ్యానర్‌పై సుభాస్కరన్ ఈ ప్రతిష్టాత్మక ప్రాజెక్ట్‌ను నిర్మిస్తున్నారు. అనిరుధ్ రవిచందర్ ఈ చిత్రానికి సంగీతం సమకూరుస్తున్నారు.
|
|