'భామాకలాపం 2' సెకండ్ సింగల్ విడుదలకి వెన్యూ లాక్
cinema | Suryaa Desk | Published : Sat, Feb 03, 2024, 09:41 PM
OTT ప్లాట్‌ఫారమ్‌లలో రిలీజ్ అయ్యిన "భామాకాలం" చిత్రంలో తన నటనతో ప్రేక్షకులను ఆకర్షించిన ప్రియమణి ఇప్పుడు దాని సీక్వెల్ "భామాకలాపం 2" తో ప్రేక్షకులని అలరించడానికి సిద్ధంగా ఉంది. ఇటీవలే మూవీ మేకర్స్ ఈ సినిమా యొక్క టీజర్ ని విడుదల చేయగా ఈ సినిమాపై టీజర్ భారీ హైప్ ని క్రియేట్ చేసింది.
తాజాగా మూవీ మేకర్స్ ఈ సినిమాలో సీరత్ కపూర్ నటించిన రెండవ సింగల్ ని స్వప్నసుందరి అనే టైటిల్ తో ఫిబ్రవరి 4న సాయంత్రం 6:30 గంటలకు CMR మాల్‌లో విడుదల చేయనున్నట్లు మూవీ మేకర్స్ ప్రకటించారు. ఈ విషయాన్ని తెలియజేసేందుకు చిత్ర బృందం సోషల్ మీడియాలో సరికొత్త పోస్టర్ ని విడుదల చేసారు. ఈ చిత్రం ఆహా వీడియోలో ఫిబ్రవరి 16, 2024న విడుదల కానుంది.
క్రైమ్ కామెడీ ట్రాక్ లో రానున్న ఈ సినిమాలో ప్రియమణితో పాటు సీరత్ కపూర్, బ్రహ్మాజీ మరియు శరణ్య కీలక పాత్రల్లో నటించారు. ఈ సినిమాకి అభిమన్యు దర్శకత్వం వహించగా, ప్రశాంత్ ఆర్ విహారి సంగీతం అందించారు. విప్లవ్ నిషాదం ఎడిటర్‌గా, కిరణ్ మామిడి ఆర్ట్ డైరెక్టర్‌గా వ్యవహరిస్తున్నారు.
|
|