హృతిక్.. నీతో తో కలిసి మాట్లాడటం చాలా ఆనందంగా ఉంది
cinema | Suryaa Desk | Published : Wed, Oct 25, 2017, 10:45 AM
బాహుబలి లాంటి సినిమాలో నటించానన్న ఆనందం తప్ప ఈమధ్య కాలంలో మిల్కీ బ్యూటీ తమన్నాకు చెప్పుకోదగిన విజయాలేం లేవు. ఎన్టీఆర్ లేటెస్ట్ సినిమా జైలవకుశలో ఐటం సాంగ్ చేసినా దానివల్ల ప్రయోజనం కన్నా ఓరకంగా నష్టమే ఎదురైందని చెప్పొచ్చు. చేతిలో సినిమాలు ఉన్నా వాటిలో క్రేజీ ప్రాజెక్టులు లేకపోవడం తమన్నాకు లోటేననే చెప్పాలి.
తమన్నా రీసెంట్ గా బాలీవుడ్ గ్రీకువీరుడు హృతిక్ రోషన్ ను కలిసి మాట్లాడింది. ఈ సందర్భంగా అతడితో దిగిన ఫొటోను.. అదే సమయంలో తనకు కలిగిన సంతోషాన్ని సోషల్ మీడియాలో పంచుకుంది. ‘హృతిక్.. నీతో తో కలిసి మాట్లాడటం చాలా ఆనందంగా ఉంది. నువ్వు ఎప్పుడూ ఇన్ స్పైర్ చేస్తూనే ఉన్నావు.. ఇకపైనా ఉంటావు. నీతో కలిసి తీయించుకున్న ఓ ఫొటో.. ఆ క్షణం ఎప్పటికి గుర్తుండిపోతాయి. సూపర్ హ్యాపీ’’ అంటూ తమ్మూ ఓ ట్వీట్ పెట్టింది. నిన్ను కలవడం చాలా ఆనందంగా ఉందంటూ హృతిక్ కూడా దానికి రిప్లయ్ ఇచ్చాడు.
ఆమధ్య తమన్నా ఒకట్రెండు బాలీవుడ్ సినిమాలు చేసింది. కానీ అవేవీ బాక్సాఫీస్ వద్ద పెద్దగా క్లిక్ కాలేదు. దాంతో మళ్లీ సౌత్ పైనే ఫోకస్ పెట్టింది. హృతిక్ ను ఇప్పుడు ఆకాశానికి ఎత్తేస్తున్న తీరు చూస్తుంటే అతడి పక్కన హీరోయిన్ ఛాన్స్ పట్టేయడానికి గట్టి ప్రయత్నాలే చేస్తున్నట్టు అనిపిస్తోంది. ఇలియానా అండ్ తాప్సీలాగా తమ్ముకు కూడా బాలీవుడ్ లో అవకాశాలు లభిస్తాయేమో చూడాలి. ప్రస్తుతం తమన్నా టాలీవుడ్ లో కళ్యాణ్ రామ్ - సందీప్ కిషన్ సినిమాల్లో హీరోయిన్ గా నటిస్తోంది.
|
|