మనీ ప్లాంట్‌కి మించి శక్తివంతమైన మొక్క ఇదే.. ఇంట్లో పెట్టుకుంటే ఐశ్వర్య వర్షం!

వాస్తు శాస్త్రంలో మొక్కలకు విశేషమైన ప్రాముఖ్యత ఉంది. ఇంట్లో ఏ మొక్కలను పెంచుకోవాలి, ఏవాటిని ఉంచకూడదో వాస్తు శాస్త్రం స్పష్టమైన మార్గదర్శకాలను ఇస్తుంది. సరైన మొక్కలను ఎంపిక చేసి పెంచడం వల్ల నివాసంలో సానుకూల శక్తి పెరుగుతుందని నమ్ముతారు. వాస్తు శాస్త్రం ప్రకారం ఇంట్లో కొన్ని ప్రత్యేకమైన మొక్కలను నాటితే అనుకూల ఫలితాలు లభిస్తాయని చెబుతారు. అందుకే చాలా మంది తమ ఇళ్లలో మనీ ప్లాంట్‌ను పెంచుకుంటుంటారు. ఈ మొక్కను సంపదను ఆకర్షించే శక్తి కలిగినదిగా భావిస్తారు. అయితే, మనీ ప్లాంట్‌కంటే కూడా ఎక్కువ పవిత్రత మరియు విశేష శక్తి కలిగిన మరో మొక్క ఉందని వాస్తు నిపుణులు పేర్కొంటున్నారు. ఆ మొక్కను ఇంట్లో నాటి సరిగా సంరక్షిస్తే సానుకూల వాతావరణం ఏర్పడటంతో పాటు సిరిసంపదలు కూడా పెరుగుతాయని నమ్మకం. ఆ ప్రత్యేకమైన మొక్క పేరు క్రాసులా జేడ్ (Crassula Jade). దీనిని అత్యంత శక్తివంతమైన మనీ ప్లాంట్‌గా పరిగణిస్తారు. ముఖ్యంగా చైనీస్ వాస్తు శాస్త్రం లేదా ఫెంగ్ షుయ్ ప్రకారం ఇది సాధారణ మనీ ప్లాంట్‌కంటే ఎక్కువ ప్రభావం చూపుతుందని చెబుతారు. ఇంట్లో క్రాసులా మొక్కను నాటడం వల్ల ఆర్థిక ఇబ్బందులు క్రమంగా తగ్గుతాయని, కొత్త ఆదాయ అవకాశాలు ఏర్పడతాయని విశ్వాసం ఉంది. అలాగే ఈ మొక్క సానుకూల శక్తిని పెంచి శ్రేయస్సును అందించడంలో సహాయపడుతుందని చెబుతారు. ఆర్థిక సమస్యలు ఎదుర్కొంటున్నవారికి క్రాసులా మొక్క ఎంతో ప్రయోజనకరమని వాస్తు శాస్త్రం పేర్కొంటోంది. ఈ మొక్కను ఇంట్లో ఉంచడం వల్ల ఉద్యోగం, వ్యాపార రంగాల్లో అనుకూల మార్పులు చోటు చేసుకుంటాయని, ఇంట్లో శక్తి సమతుల్యతను నిలబెట్టడంలో ఇది సహాయపడుతుందని నమ్ముతారు. ముఖ్యంగా వ్యాపారవేత్తలకు ఈ మొక్క శుభసూచకంగా పరిగణిస్తారు. వాస్తు ప్రకారం క్రాసులా మొక్కను ప్రధాన ద్వారం కుడివైపు ఉంచడం మంచిదని సూచిస్తున్నారు. అలాగే ఈ మొక్కకు అధికంగా నీరు పోయాల్సిన అవసరం ఉండదని, ఆకులు ఎప్పుడూ శుభ్రంగా ఉండేలా చూసుకోవాలని చెబుతారు. తగినంత సూర్యకాంతి అందే ప్రదేశంలో ఉంచడం ఉత్తమమని వాస్తు శాస్త్రం సూచిస్తోంది. ఇంట్లో మొక్కలు ఉండటం వల్ల వాతావరణం శుద్ధి కావడంతో పాటు మానసిక ప్రశాంతత కూడా లభిస్తుందని నమ్మకం ఉంది.
*Note: ఈ సమాచారం జ్యోతిష్య శాస్త్రం మరియు ఇతర అందుబాటులో ఉన్న వనరుల ఆధారంగా అందించబడింది. దీనిని TV9 తెలుగు ధృవీకరించదు.